- Marketing Newsletter
- Posts
- Facebook органик хүртээмж: 2022 онд 😳
Энэ өдрийн мэнд. Өчигдрөөс iOS 16-г iPhone хэрэглэгчид ашиглах боломжтой болсон. Татаж аваад суулгасан тохиолдолд илгээсэн мэссэжээ 15 минутын дотор засаж, 2 минутын дотор устгах боломжтой болох нь. Имэйлийн хувьд ч илгээх имэйлээ урьдчилан цаг тохируулах, илгээсэн имэйлийг тун богино хугацааны дараа буцаах боломжтой гэнэ. Сошиал постынхоо үр дүнг андуурч хараад тайлангаа илгээчихсэн маркетерийн хувьд хэрэгтэй л функц аж :). Шинэ функцуудын талаар илүү ихийг эндээс.
Органик хүртээмж: 2022 онд.
👉 Instagram = 13.51% 🤔 (жилийн өмнөхтэй харьцуулахад 29% буурсан)
👉 Facebook = 8.60% 😳 (жилийн өмнөхөөс 9% буурсан)
Эндээс анхаарал татаж байгаа зүйл нь юу вэ гэхээр сүүлийн жилүүдэд харж байсан үзүүлэлтүүдтэй харьцуулахад 8.6% гэдэг бол Facebook-ийн хувьд маш сайн үзүүлэлт байхаар харагдаж байна. 🤪
Өмнөх жилүүдийн судалгааны үр дүнгээс харахад Facebook-ийн дундаж органик хүртээмжийг 1-6% хооронд л гаргасан байдаг.
Харин энэ үзүүлэлтийн хувьд Socialinsider-с 2021 оны 7-р сараас 2022 оны 7-р сарын хооронд нийтлэгдсэн 613,013 Facebook пост, 320,187 Instagram пост, нийт 933’200 сошиал медиа постын үр дүнд тулгуурлан гаргасан үзүүлэлт юм байна.
Яг бодит байдал дээр Таны удирдаж буй Page-н хувьд органик хүртээмж ямар түвшинд байна? 8,6%-с их үү эсвэл бага уу?
Уг үзүүлэлтийг тооцож гаргахын тулд постын нийт хүртээмж (Organic Reach)-г Page-нхээ нийт дагагчид(Like)-ынхаа тоонд хувааж, 100-аар үржүүлээд гаргаарай.
Жишээ нь манай Facebook (https://www.facebook.com/nathousecreative) хуудасны хувьд өнгөрсөн 8-р сарын 10-наас хойш нийтлэгдсэн постуудын хувьд органик хүртээмж дунджаар 14,4% байна. Нийтлэгдсэн постууд дунджаар манай хуудасны нийт 47000 дагагчийн 14%-д нь хүрч байна гэсэн үг. 8,6%-тай харьцуулахад боломжийн :). Та ч гэсэн энэ үзүүлэлтийг заавал гаргаж хараарай.
Уг судалгааны үр дүнгээс өөр нэг чухал үзүүлэлтийг харах боломжтой нь Engagement Rate Буюу Оролцооны үзүүлэлт. Нийт engagement-г (reaction, share, comment гэх мэт хариу үйлдлийн нийлбэр) постын хүртээмж/reach-д хувааж, 100-аар үржүүлж гаргасан үзүүлэлт.
Engagement Rate 2022 онд:
👉 Instagram = 3.35% 🥺
👉 Facebook = 1.4% 😬
Эндээс харвал дунджаар танай постыг харсан нийт хүний 1-3% нь л хариу үйлдэл үзүүлж байна гэсэн үг. Мөн л байгууллагынхаа Facebook хуудасны сүүлийн сарын нийт постын дундаж Engagement Rate-г тооцож гаргалаа. 4,9%! 20 хүн тутмын нэг нь л хариу үйлдэл үзүүлж байна гэсэн үг. 👎🏻
ГЭХДЭЭ, Socialinsider-с уг судалгааны үр дүнд хавсаргасан анхааруулгыг мөн танд хүргэе:
❝Хэт нийтэд зориулсан сошиал медиа үзүүлэлтүүдэд автахаас сэргийл. Мэдээж органик хүртээмж, оролцоо өндөр байх нь САЙН ч, маркетеруудын хувьд үүнээс илүүг харж төлөвлөх нь зүйтэй.
Органик постыг хэрэглэгчидтэй тогтвортой харилцаа тогтоох, постын төрөл, сэдвийг харьцуулах, туршиж үзэхэд ашиглахад буруудах зүйл үгүй.
Гэхдээ үүнээс гадна хэрэглэгчдийн коммунити бий болгох, хэрэглэгчийн үйлчилгээгээ шинэ түвшинд гаргахад Facebook группийг ашигла. Нөгөө талаас хандалт, сэжим болон борлуулалт гэсэн хамгийн чухал 3 үзүүлэлтэд гол анхаарлаа хандуулсан төлбөртэй сурталчилгаа тун чухал шүү.❞
Судалгааны дүнг:
Insta vs TikTok???
ТикТок үзэлт Инстаграм Reels үзэлтээс 10 дахин илүү
Instagram-н заавраар хөдлөхөөс залхаж эхэлж байгаа маркетер байна уу? Reels хийцгээ гэхээр Ok, тэгье ээ! гэсэн. Эхэндээ ч хүртээмж, үзэлт өндөр ОК байлаа. Харин сүүлийн үед үзэлт, хүртээмж таг болчихсон. Зөвхөн Реелс ч биш зураг, видео бүгд. Яг ийм асуудалд орчихсон хүмүүс байгаа бол энэ зөвхөн таны ч асуудал биш юм байна.
Метагийн дотоод тайлангийн мэдээллээс The Wall Street Journal нийтлэснээс харахад Instagram хэрэглэгчид өдөрт нийтдээ 17.6 сая цагийг Reels үзэхэд зарцуулдаг бол энэ нь ТикТок-н хэрэглэгчдийн өдөр бүр видео үзэхдээ зарцуулдаг 197.8 сая цагийн 10 хуваасны 1-т ч хүрэхгүй үзүүлэлт юм байна.
Түүнээс гадна өнгөрсөн 8 сард гарсан “Creators x Reels State of the Union 2022” хэмээх нэртэй уг тайланд Reels-н оролцоо, хариу үйлдэл сарын дотор 13.6% буурсан гэсэн үзүүлэлтийг ч багтаажээ. Ер нь л ихэнх Reels ямар ч хариу үйлдэл авч ирэхээ больсон гэнэ.
Тэгэхээр та ганцаараа биш юм байна. Бүгд л ийм асуудалтай байгаа юм байна шүү.
ӨӨРИЙГӨӨ НЭЭ! THE OPEN MIC MONGOLIA
The Open Mic Mongolia нь хүүхэд, залуучууд дуу хөгжмөөр дамжуулан чөлөөт цагаа эрүүл, аюулгүй орчинд зөв боловсон өнгөрүүлэх нөхцлийг бүрдүүлж, өөрийгөө нээх, хөгжүүлэх, илэрхийлэх боломж олгох зорилготой нээлттэй арга хэмжээг санаачлан зохион байгуулагч.
THE OPEN MIC MONGOLIA-гийн хамт олон байгууллага, хамт олны захиалгаар дараах үйлчилгээг чанарын өндөр түвшинд хүргэнэ.
1. Тогтмол зохион байгуулагддаг The Open Mic Mongolia эвентийг хамтран зохион байгуулах;
2. Байгууллага, хамт олны төрөл бүрийн арга хэмжээ, шинэ жил, ойн баяр, маркетингийн эвэнтүүд зэрэг тусгай арга хэмжээ зохион байгуулах;
3. Хөгжмийн тоног төхөөрөмжөөр чанарын өндөр түвшинд үйлчилгээ үзүүлнэ.
Яг одоо туршаад үзэхүйц, хэрэгжүүлэх боломжтой маркетингийн зөвлөгөө, мэдээллүүд!
Товчхон, тун хэрэгтэй
Бүтээмжээ нэм: Хэрэв та контент бүтээгч бол эндээс хэрхэн бүтээмжээ дээшлүүлж, сошиалд идэвхтэй байх талаарх зөвлөмж, мэдээллийг аваарай.
Хичээлдээ: Twitter бизнесийн байгууллагуудад зориулсан хэрхэн үр дүнтэй жиргэх талаарх сургалтуудаа зарласан байна.
Ялгааг мэдэж ав: Энэхүү нийтлэлд CX болон UX-н ялгааг тайлбарласан байна шүү.
Black Friday: Шинэ жил, баярын улирал тун удахгүй эхлэх нь эндээс бэлэн псотын загварууд сонирхож үзээрэй.
Хуулийн фирм ээ? Хэрэв та хуулийн фирмд маркетер хийдэг бол контент маркетинг хийхдээ анхаарах 6 зүйлийг уншиж судлаарай.