Facebook Page шинэ хувилбар: Таны мэдэх ёстой зүйлс

2022 он дуусахад яг 25 хоног үлджээ! Одоо ч үлдсэн бүх л Баасан гараг Black байх бололтой шүү :)

Энэ удаад бид Facebook хуудасны шинэ хувилбар болох Facebook Page New Experience-н талаарх маркетерүүд бизнес эрхлэгчдийн мэдэх ёстой зүйлсийг нэгтгэн хүргэж байна.

Яагаад гэхээр Мета 2 жил орчимын өмнө тодруулбал 2021 оны 1 сард зарласан Facebook хуудасны шинэ хувилбараа нийтэд хүргэх ажлаа дуусгахаар төлөвлөж байгаа гэдгээ саяхан мэдэгдсэн.

Манай энэ удаагийн санал асуулганд идэвхтэй оролцоорой. Бас үр дүнг нь хараарай.

Facebook Page шинэ хувилбар: Таны мэдэх ёстой зүйлс

2022 оны 10-р сараас Мета-гийн зүгээс жижиг, дунд бизнесийн байгууллагуудыг бүгдийг нь Page-н шинэ хувилбарт шилжүүлж дуусгахаар болжээ. Тэгэхээр та жижиг, дунд бизнесийн байгууллагын Facebook хуудас удирддаг бол танай Page автоматаар шинэ хувилбарт шилжсэн тухай анхааруулга гарч ирсэн байх.

Гэхдээ танай хуудас хуучин классик хувилбартайгаа байгаа бол шинэчлэх хүсэлт илгээх эсвэл шууд шинэ хувилбарт шилжүүлэх боломж одоогоор байхгүй. Мета автоматаар л шилжүүлэх болно гэдгийг анхаараарай.

Танай Facebook хуудас шинэ хувилбарт шилжсэний дараа хуучин URL хаяг болох facebook.com/@username хаягаар хандах боломжтой хэвээр. Гэхдээ та өөрийн хувийн профайл хаягаар хандан Facebook хуудсаа удирдах боломжгүй.

Үүний оронд сошиал медиа маркетерууд шинэчлэгдсэн Facebook хуудсыг удирдах хоёр сонголттой болсон. Дийлэнх маркетеруудын хувьд Meta Business Suite хариу өгөх, контент пост хийх, төлөвлөх хамгийн зөв сонголт шүү.

Харин Facebook хуудасны тохиргоо хийх бол хувийн профайлаасаа Facebook хуудас руу шилжих шаардлагатай болсон. Үүний тулд Facebook-ээ нээгээд өөрийн профайл зураг дээр дарж, “See All Profiles” сонголтыг хий. Таны сонгох боломжтой профайл болон хуудаснуудын жагсаалт гарч ирэх бөгөөд эндээс тохиргоо хийх шаардлагатай Facebook хуудсаа сонгоорой. Эсвэл Facebook хуудасны URL хаягаар хандаад шууд “Switch Now” товч дээр дарж болно.

Танай хуудас шинэ хувилбарт шилжсэний дараа хуучин сонгодог загварт буцаж шилжих сонголттой байх магадлалтай. Edit Page цэсэнд Switch to Classic Pages гэсэн сонголт харагдаж байгаа бол хуучин сонгодог загварт буцаж шилжих боломжтой байна гэсэн үг. Гэхдээ анхаарвал зохих нэг зүйл бий, тэр нь хэрэв та хуучин хувилбарт буцаж шилжих бол шинэ хувилбарт байх хугацаанд нийтлэгдсэн бүх постууд устана гэдгийг анхаараарай.

Шинэ хувилбарт шилжсэн Facebook Page-г хувийн профайлаас удирдах боломжгүй. Тиймээс багийн гишүүддээ зохих эрх олгох талаар хамгийн түрүүнд анхаарах хэрэгтэй.

Шинэ хувилбарт шилжсэн тохиолдолд өөрчлөгдөх хамгийн эхний зүйл нь хуудас удирдах, хандах эрхийн өөрчлөлт.

Facebook хуудас удирдах эрх, үүргийн шинэ хуваарилалт: Хэрхэн тохируулах вэ?

Хамгийн эхлээд Facebook хуудас руугаа хандаад зүүн гар талын багана дах Professional Tools хэсгээс Professional dashboard-г сонгоно. Эндээс Page Access сонголтыг хийгээрэй.

"FACEBOOK СУРТАЛЧИЛГААГ ҮР ДҮНТЭЙ ХИЙХ НЬ" ОНЛАЙН СУРГАЛТ 12 сарын 12-нд эхэлнэ.

Манай сургалт ХЭНД зориулагдсан бэ?

👉 Facebook сурталчилгаагаа хүргэх хүмүүсээ сонгохдоо ХҮНДРЭЛТЭЙ тулгардаг. Сурталчилгааны үр дүнгээ сайжруулах талаар бодож байгаа хүмүүс.👉 Төлбөртэй сурталчилгаа-бүүст хийдэггүй. (Facebook сурталчилгаа хийх талаар мэдлэг туршлага багатай эсвэл хэт их төлбөр мөнгө гарах вий гэсэн айдастай байдаг.)👉 Facebook төлбөртэй сурталчилгаа бүүст явуулсан боловч, үр дүнтэй байгаагүй. Тиймээс Facebook сурталчилгаа бүүст огт үр дүнгүй гэж үзсэн, дахин явуулаагүй.Хэрэв та Facebook төлбөртэй сурталчилгаа/бүүстэнд төсөв зарцуулдаг бол хэрхэн үр дүнтэй зарцуулах талаарх манай сургалтанд хамрагдаарай.Бүртгүүлэх холбоос: http://ow.ly/Z90i50KS2rU