🔥 3.98 тэрбум идэвхтэй хэрэглэгч!

Facebook 20 жилийн дараа...

05 Feb

Facebook 20 жилийн өмнө энэ өдөр мэндэлж байжээ! 20 жилийн хойно Facebook хаана хүрснийг тоон үзүүлэлтүүдээр танилцуулбал:

👉 Meta aппуудын нийт идэвхтэй хэрэглэгчдийн тоо (DAP) – 2023 оны 12-р сарын дунджаар 3.19 тэрбумд хүрч, өмнөх жилийн мөн үетэй харьцуулахад 8% өсчээ.

👉 Meta aппуудын сарын идэвхтэй хэрэглэгчдийн тоо (MAP) – 2023 оны 12-р сарын 31-ний байдлаар 3.98 тэрбумд хүрч, өмнөх жилийн мөн үетэй харьцуулахад 6% өсчээ.

👉 Facebook-н өдрийн идэвхтэй хэрэглэгчийн тоо (DAUs) – 2023 оны 12-р сарын дунджаар 2.11 тэрбумд хүрч, жилийн өмнөхөөс 6% өссөн байна.

👉 Facebook-н сарын идэвхтэй хэрэглэгчийн тоо (MAUs) – 2023 оны 31-ний байдлаар 3.07 тэрбумд хүрч, жилийн өмнөхөөс 3% өсчээ.

👉 Сурталчилгааны давтамж болон нэгж сурталчилгааны зардал – 2023 оны 4 дүгээр улиралд нийт Мета аппуудын хэмжээнд сурталчилгааны давтамж өмнөх жилтэй харьцуулахад 21% өссөн бол сурталчилгааны нэгжийн зардал 2% нэмэгджээ.

Ч.Баатарчулуун

Facebook-н үе дууссан гэх хүмүүст харуулах тоон мэдээлэл👇

Мета-гийн аппуудыг тодруулбал, Facebook, Instagram, WhatsApp, Messenger-н идэвхтэй хэрэглэгчийн тоо өнгөрсөн оны эцэст 3.98 тэрбумд хүрчээ. Бодоод үзье л дээ. Дэлхийн нийт хүн ам 8 тэрбум, эдгээр аппыг ашиглах хориотой Хятадын хүн ам 1.4 тэрбум гэвэл, ашиглах боломжтой хүмүүсийн ихэнх нь Метагийн аппуудыг идэвхтэй, байнга ашигладаг байх нь.

Энэ ч утгаараа сурталчилгааны хамгийн чухал платформ хэвээр гэдэг нь 2023 онд орлого нь $134 тэрбумд хүрч, өмнөх оныхоос 16%, харин 2023 оны 4-р улиралд $40.11 тэрбумд хүрч, өмнөх оны мөн үеийнхээс 25% өссөнөөс харж болох нь. Сурталчилгааны давтамж ч мөн адил өмнөх жилийнхээс 28% өссөн бол нэгж сурталчилгааны зардал 9% буурсан гэнэ.

Фэйсбүүкийн ажилтан зөвлөж байна👇

Сошиал медиад урт хугацаанд нэг зүйлд анхаарлаа төвлөрүүлэх нь алдаа. Өөрөөр хэлбэл сошиал медиа маш хурдтай өөрчлөгдөж байдаг. Шалтгаан нь өрсөлдөөн.

Өмнө нь зурагтай пост л оруулдаг байсан. Дараа нь урт бичлэг дараа нь лайв видео. Харин одоо богино бичлэг нийтлэх болсон.

Өөрөөр хэлбэл, сошиал медиа платформууд яг одоо ЮУНД анхаарах ёстой тийш нь л анхаарлаа хандуулдаг.

Өрсөлдөгчид нь юу хийж хүмүүсийг татаж байна, түүнийг илүү сайнаар хийж, хэрэглэгчдээ алдахаас сэргийлдэг.

Тиймээс сошиал медиад яг одоо танайд юу хамгийн сайн үр дүн авч ирж байна түүнийгээ л хий. Гэхдээ шинээр гаргаж байгаа функцыг нь хурдан нэвтрүүл, хуучинтайгаа хэт удаан бүү зууралд.

Тэр шинэ функц, контентийн шинэ төрөл таны хүртээмжийг өсгөх боломж шүү. Яагаад гэвэл өрсөлдөгчид нь тийм боломж хэрэглэгчдэдээ олгож байгаа бол тухайн сошиал платформ түүнийгээ хэрэглэгчдэдээ хүргэхийн тулд тууштай дэмжих болно. Яг л Insta, FB өнгөрсөн жил Рийлсийг хэрхэн дэмжиж, хүртээмжийг нь тэнгэрт тулгаж байсан шиг.

Бид юу хийдэг вэ? Бизнес эрхлэгчдэд хэрхэн туслаж чадах вэ?

1. Сошиал медиа маркетингийн стратеги, төлөвлөгөө, контент бэлтгэлийн талаар зөвлөгөө өгөх;

2. Байгууллага, бизнес эрхлэгчдэд зориулсан Facebook, Instagram төлбөртэй сурталчилгаа-бүүст үр дүнтэй хийх талаарх сургалт хийх;

3. Дижитал маркетинг, борлуулалт, хэрэглэгчийн үйлчилгээний бүхий л харилцаагаа удирдах bitrix24 цогц шийдлийг бизнесийн байгууллагуудад нэвтрүүлэх;

4. Facebook, Instagram чатбот хөгжүүлэлтийн цогц үйлчилгээг танд санал болгож байна.

— Ч.Баатарчулуун