Сошиал медиа engagement улам буурсаар…☝️

Сошиал медиа оролцоо - engagement улам буурсаар…

Rival IQ 2024 оны Social Media Benchmarks тайлангаа гаргажээ. Facebook, Instagram, TikTok болон X дээрх 5 сая пост, 10 тэрбум гаруй хариу үйлдэл буюу reactions, comments гэх мэт оролцооны үзүүлэлт дээр тулгуурлан гаргасан тайлан гэнэ.

Мөн Alcohol, Fashion, Financial Services, Food & Beverage, Health & Beauty, Higher Education, Home Decor, Influencers, Media, Nonprofits, Retail, Sports Teams, Tech & Software, Travel гэсэн 14 голлох салбарын хувьд бенчмарк хэлбэрээр сошиал медиа үр дүнгийн үзүүлэлтийг гаргасан байна.

Манай байгууллагын сошиал медиа маркетинг хэр амжилттай байна? гэдэг асуулт та маркетерүүдээсээ асуудаг бол хариуг өөрийн салбарын дундаж үзүүлэлттэй харьцуулан эндээс харж болох нь ээ.

Голлох үр дүнг товчхон: 

• Бизнесийн байгууллагуудын хувьд органик үр дүн буурсан. TikTok оролцооны түвшин гэхэд л 50% буурсан. Харин Facebook-н хувьд оролцооны түвшин бага зэрэг өссөн байна.

• 7 хоногт хийх постын тооны хувьд Instagram болон TikTok дээр бага зэрэг өссөн бол Facebook болон Twitter дээр буурчээ.

• Баяр, тэмдэглэлт өдрүүдийн хаштагтай постууд л бүх салбарт хамгийн өндөр оролцоог бий болгосон байна.

• Инстаграм дээр Reels ердийн видеог гүйцэж түрүүлсэн. Reels хийхгүй байгаа бол Инстаграм дээрх хамгийн өндөр хариу үйлдэл, оролцоо бий болгодог контентийг хайхрахгүй байнаа гэсэн үг.

• TikTok 2.63%-н оролцооны түвшингээр тэргүүлж, бусад өрсөлдөгчдөө хол орхисон хэвээр байна.

Facebook

Facebook-с эхэлье, Facebook дээрх голч оролцооны үзүүлэлт 0.063% (Дагагчдийн тоотой харьцуулсан хариу үйлдлийн дундаж түвшин. Өөрөөр хэлбэл тухайн хуудасны нийт дагагчдийн хэдэн хувь дунджаар хариу үйлдэл үзүүлж буйг харуулна.) буюу сэтгэлээр унахаар бага оролцоог харуулж буй хэдий ч энэ үзүүлэлт өнгөрсөн оныхоос бага ч гэсэн өссөн гэнэ.

Энэхүү маш бага хариу үйлдэл, оролцооны үзүүлэлт бүх салбарт ижил байна гэнэ. Хамгийн өндөр оролцоотой үзүүлэлттэй нь согтууруулах ундаа, эрүүл мэнд, гоо сайханы салбар байгаа бөгөөд тэргүүлэгч нь спортын багуудын үзүүлэлт болж байна. Гэхдээ л 1% ч хүрэхгүй буюу 0.30%-н үзүүлэлттэй байх юм.

Instagram

Instagram дээр арай дээр, оролцооны түвшин 0.43%. Энэ нь өнгөрсөн жилийнхээс бага зэрэг буурсан үзүүлэлт бөгөөд 2021 оныхтой харьцуулахад талд нь ч хүрэхгүй үзүүлэлт гэнэ. Спортын багуудынх 1.5% бол боловсролын салбарынх 2.5%-тай байна.

X

Хуучнаар Твиттер буюу X-н хувьд байдал бүүр ч муу. Нэг жиргээнд ногдох оролцооны дундаж түвшин 0.03% ч хүрэхгүй. Өмнөхөөс оныхоос ч буурсан үзүүлэлттэй байна.

TikTok

ТикТок өрсөлдөгчидтэйгээ харьцуулахад сайн үзүүлэлттэй. Нэг видеоны оролцооны голч түвшин 2.4%, дээд боловсролын салбарын хувьд энэ үзүүлэлт 9.2% хүрчээ.

Өмнөх жилийн хувьд TikTok-н оролцооны түвшин нэг бичлэг тутамд 5.69% байсанаас харахад сүүлийн 1 жилийн хугацаанд оролцооны үзүүлэлт талаас илүү хувиар буурчээ.

Rival IQ-н “2024 оны Сошиал медиа салбарын жишиг тайлан”-г эндээс унших боломжтой.

Манай энэ удаагийн СПОНСОР:

ИРГЭН, ХУУЛИЙН ЭТГЭЭДИЙН БАРИМТ БИЧГИЙН ЦАХИМ ҮЙЛЧИЛГЭЭ - iCompany.mn

Жижиг дунд бизнес эрхлэгчид, хувиараа бизнес эрхлэгчдийн санхүүгийн үйл ажиллагаанд зориулсан нягтлан бодох бүртгэлийн бүх баримт бичгийн загваруудыг шууд татан авч хэрэглэх боломжтой!

X-н авч буй хариу арга хэмжээ, үр дүнгээ өгөх үү?

Дээрх тайлангийн үр дүнг харах юм бол X-н оролцоо шалаар байгаа нь харагдана. Гэхдээ энэ байдлыг засахаар шинэ функц тэднийхэн гаргажээ.

X-н босс Элон Маск энэ долоо хоногт PIN хийсэн постыг өөрчлөхөөр ажиллаж байгаа талаарх мэдээлэл гаргасан. Энэ нь PIN хийсэн пост таны дагагчдад бүгдэд нь харагдах тохиргоотой болох гэнэ. Гэхдээ өдөр бүр эсвэл бүх постоо PIN хийх боломжгүй байх гэнэ.

Өнгөрсөн 1 дүгээр сард хамгийн их татагдсан апп

2024 оны 1 дүгээр сард дэлхийн даяар хамгийн их татагдсан апп Instagram байсан гэнэ. Харин араас нь TikTok, Facebook, WhatsApp, CapCut удаалжээ.

Бидний идэвхтэй ашигладаг бүхий л апп энэхүү жагсаалтанд багтсан ч эхний 10-т Spotify-н оронд WhatsApp Business орж ирсэн байна. Мэдэхэд илүүдэхгүй мэдээлэл байгаа биз…

Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: