Сошиалд хүмүүс яагаад share хийдэг вэ?

Өглөөний мэнд. Хавар ирчихжээ.

Өнөөдрийн үндсэн сэдэв рүүгээ орохоос өмнө нэгэн шинэ мэдээнд анхаарлыг тань хандуулъя.

TikTok 60 секундээс илүү урттай бичлэг оруулах боломжтой болсныг мэдэж байгаа биз дээ?

Одоо хэний ээлж гэдэг нь ойлгомжтой - Инстаграм ч бас Рийлсийнхээ уртыг нэмж байгаа бололтой.

Одоогийн байдлаар зарим хэрэглэгчид нь 3 минут урт Рийлс хийж, оруулах боломжтой болсон байгаа бөгөөд Инстаграмын хувьд Рийлсийн уртыг 10 минут болгох төлөвлөгөөтэй байгаа гэнэ. Биднийг Instagram дээр илүү удаан хугацаагаар уях санаатай байгаа бололтой.

Түүнчлэн бидний хувьд ч ажил нэмэгдэх нь, дагагчид маань уртыг үзэх нь үү эсвэл богино Рийл нь дээр байна уу гэдгийг тест хийж үзэх хэрэгтэй болох нь дээ.

Энэ талаар мэдээллийг эндээс.

Сошиал медиад хүмүүс яагаад танай постыг share хийж, цааш нь түгээдэг вэ? The Social Media Consumer Report тайлангаас зарим нэгэн тоо баримтыг та бүхэнд хүргэж байна.

Хүмүүсийн 45 хувь нь тухайн контентын агуулгатай санал нийлж байгаа учраас хуваалцдаг гэнэ.

Хүмүүс хэрэгтэй мэдээлэл гэж үзсэн контентоо #share хийх магадлал өндөр байдаг бөгөөд харин зөвхөн нөлөөлөгч эсвэл олны танил хүмүүс хуваалцаарай гэснээс хамааран share хийх магадлал маш бага байдаг гэнэ.

Мөн судалгаагаар батлагдсан нэг зүйл нь идэвхтэй худалдан авагчид тухайн брэндийн контентыг ямар нэг шалтгаангүйгээр хуваалцах магадлал өндөр байдаг гэнэ.

Тэгэхээр хэрэв та танайхаас худалдан авалт хийх магадлал өндөртэй хүмүүстэй харилцаагаа бататгахыг хүсэж байгаа бол танай контентыг байнга хуваалцаж байдаг хүмүүсийг ажиглаарай. Тэгээд яг ийм үнэ цэнтэй харилцааг бий болгохыг хүсэж байгаа бол хүмүүс share хийхээр контент бүтээх хэрэгтэй гэнэ.

Танай контентыг сошиалд маш олон хүн хуваалцдаг бол хүмүүстэй, хэрэглэгчидтэйгээ харилцах харилцаандаа чухал ач холбогдол өгдгийг тань харуулах шинж тэмдэг гэнэ шүү.

Хүмүүс танай байгууллагатай байнгын харилцаатай байдаг тэгээд танай контентыг гэр бүл, найз нөхдөдөө хүргэх нь зөв гэж үзээд хуваалцаж байна гэж ойлгож болох юм байна.

Түүнчлэн танайх тэдний итгэлийг олж авсан, тийм ч учраас хамгийн хүчирхэг маркетингийн хэрэгсэл болох аман маркетинг хийх хүмүүсийг бэлтгэж чадсан байна гэсэн үг гэнэ.

Яг ийм маягаар гэр бүлийнхэн нь эсвэл найз нөхөд нь ямар нэг пост, контент share хийсэн бол хүмүүс үүн дээр нь сэтгэгдэл бичих эсвэл өөрсдөө цааш нь дамжуулан хуваалцах магадлал өндөр байдаг юм байна.

Хүмүүсийн 78% нь сүүлийн 12 сарын хугацаанд гэр бүл эсвэл найз нөхдийнхөө share хийсэн бизнесийн байгууллагын постыг дахин share хийсэн гэж хариулсан байна.

Манай энэ удаагийн СПОНСОР:

ИРГЭН, ХУУЛИЙН ЭТГЭЭДИЙН БАРИМТ БИЧГИЙН ЦАХИМ ҮЙЛЧИЛГЭЭ - iCompany.mn

Жижиг дунд бизнес эрхлэгчид, хувиараа бизнес эрхлэгчдийн санхүүгийн үйл ажиллагаанд зориулсан нягтлан бодох бүртгэлийн бүх баримт бичгийн загваруудыг шууд татан авч хэрэглэх боломжтой!

Имэйл маркетинг тоон хэлээр…

1. Шинэ хэрэглэгчдийг олж авахад имэйл нь Twitter, Facebook-тэй харьцуулахад 40 дахин үр дүнтэй (McKinsey).

2. Маркетерүүдийн 89% нь имэйлийг сэжим үүсгэх гол суваг болгон ашигладаг (LuisaZhou).

3. Худалдааны байгууллагуудын 73% нь имэйл төсвийн хамгийн чухал хэсэг гэсэн бол 20% нь хөрөнгө оруулалтын тэргүүлэх чиглэл гэжээ (Emarsys).

4. Имэйл маркетерүүдийн 73% нь имэйл маркетинг хэрэглэгчдийг тогтоон барих хамгийн шилдэг арга хэрэгсэл хэмээсэн байна (Econsultancy).

5. Хэрэглэгчдийн 72% нь бизнесийн харилцааны үндсэн суваг имэйл байх нь зүйтэй гэжээ (Constant Contact).

6. Имэйл хэрэглэгчдийн 99% нь өдөр бүр имэйлээ шалгадаг, 58% нь өглөө сэрэнгүүтээ шалгадаг гэнэ (HubSpot).

7. Маркетерүүдийн 29% нь имэйл маркетинг тэдний хамгийн үр дүнтэй маркетингийн суваг мөн гэж үзжээ (Snow.io).

Эдгээр статистик бид ч бас Сар тутмын эсвэл 7 хоног тутамд илгээх имэйл мэдээллийн эмхтгэл илгээж эхлэх цаг нь болчихсон юм биш үү? гэдэг асуултыг таны өмнө гаргаж тавьж байна уу?

Өөрийн байгууллагын үнэнч хэрэглэгчдийн имэйл хаягийн жагсаалт үүсгэх, тогтмол мэдээлэл хүргэх имэйл эмхтгэл бэлтгэх ажлуудад бид тус болж чадна шүү. Мөн 30 гаруй мянган маркетерүүд, бизнес эрхлэгчдэд хүрдэг манай 7 хоног тутмын имэйл эмхтгэлд ч спонсороор оролцох боломжтой.