ChatGPT-г сошиал медиа маркетингийн төлөвлөгөө гаргахад хэрхэн ашиглах вэ?

Өглөөний мэнд. 2024 оны 85 дахь өдөр. Удахгүй 2-р улирал гарах нь. Энэ онд борлуулалт болоод маркетингийн уялдаа холбоог дээд зэрэгт нь хүргэх төлөвлөгөөтэй байгаа хүн бүрд бид энэ удаагийн дугаараа зориуллаа.

Сошиал медиа маркетингийн төлөвлөгөөнд ChatGPT хэрхэн туслаж чадах вэ?

2024 оны 2 дугаар улирал эхлэх нь. Эхний улирлын үр дүн, ирэх улирлын төлөвлөгөөнд зарим нэг өөрчлөлт оруулахыг шаардаж байгаа байх. Яг ийм өөрчлөлт дээр сууж байгаа маркетерүүддаа зориулан ChatGPT-г маркетингийн төлөвлөгөө гаргахад хэрхэн ашиглах талаарх товч зөвлөгөөг орууллаа.

Сошиал медиа маркетингийн календарчилсан төлөвлөгөө гаргах:

ChatGPT сошиал медиа маркетингийн календарьчилсан төлөвлөгөөг нарийвчилсан хугацаа, дараалал, агуулгын хамт гаргаж өгөх боломжтой. Жишээ нь тодорхой хугацааны сошиал медиа маркетингийн календарьчилсан төлөвлөгөөний загвар гаргуулах бол доорх байдлаар ChatGPT-д удирдамж өг.

Prompt: “Craft a [сарын тоо] social media campaign calendar for our [бүтээгдэхүүний нэр] with the goal of [төлөвлөгөөний зорилго] and mention the relevant channels to focus on.”

Сошиал медиа маркетингийн төлөвлөгөөг урьдчилан календарьчилж гарган төлөвлөх нь маркетерүүдийн хувьд зайлшгүй шаардлагатай бас тун чухал зүйл. Яагаад гэж үү? CoSchedule-с гаргасан судалгааны үр дүнгээс харахад маш тодорхой зорилго бүхий төлөвлөгөө гаргах нь амжилт гаргах магадлалыг 376% нэмэгдүүлдэг гэнэ.

Instagram пост:

Инстаграм постын тайлбар текст бичих үед шинэ санаа, төгс илэрхийлэл хэрэг болох үе их л таардаг байлгүй. Доорх удирдамжийг ашиглаж болно шүү.

Prompt: “Write up an Instagram caption for a photo of our new (бүтээгдэхүүн, үйлчилгээний нэр).”

Instagram Reels санаа гаргах:

Инстаграм Рийлсийг ирэх улирлын төлөвлөгөөндөө оруулахгүй бол болохгүй нь ээ гэдгийг бүгд тултал ойлгосон байх учиртай. Рийлсийн санааг жинхэнэ үйлдвэрлэж өгөхөд туслах зүйл чинь ChatGPT шүү дээ.

Prompt: “Generate [тоо] of viral Instagram Reels ideas about [бүтээгдэхүүн, үйлчилгээний нэр].”

CRM - Бизнес эрхлэгчдэд хэрхэн тус болдог вэ? Энгийн жишээгээр товч…

Байгууллагынхаа борлуулалт болоод маркетингийн уялдаа холбоог сайжруулах зорилготой байгаа хүмүүст зориулан доорх мэдээллийг бэлтгэлээ.

CRM - Хэрэглэгчидтэй харилцах менежментийн систем гэдэг нэр томъёо сүүлийн үед хамгийн ихээр бизнес эрхлэгчдийн дунд чухалчлан яригддаг болжээ. Тийм ч учраас бид яг энэ системийн талаарх амьдралд ойр, хялбар жишээн дээрх тайлбар мэдээллийг бэлтгэн хүргэж байна.

CRM-г танай байгууллагын хэрэглэгчидтэйгээ харилцах харилцааг удирдан зохицуулдаг туслах гэж төсөөлөөд үзье л дээ. Уг туслахын хийдэг ажлуудтай CRM - Хэрэглэгчидтэй харилцах менежментийн системийн зарим нэг функцуудыг харьцуулбал?

1. Харилцагчийн менежмент: Яг танай туслахын гарт үргэлж явж байдаг утасны дэвтэр шиг танай бүх харилцагчдын нэр, хаяг, утасны дугаар, имэйл хаяг гэх мэт холбоо барих мэдээллийг хадгалж байдаг. Аан тийм автоматаар, байнга мэдээлэл нь шинэчлэж байдаг утасны дэвтэр.

2. Харилцааны бүртгэл: Танай туслахын өдрийн тэмдэглэл гэсэн үг. Утсаар ярих, имэйл солилцох, уулзалт, ярилцлага, сошиал медиа мессеж гээд харилцагчтай харилцсан харилцааны бүхий л түүх энэхүү өдрийн тэмдэглэлд тэмдэглэгдэн үлддэг гэж ойлгож болно. Эндээс тухайн үйлчлүүлэгчтэй өмнө нь харилцаж байсан харилцааны түүхийг эргэн харах боломжтой.

3. Үүрэг, даалгаврын удирдлага: Танай туслахын хийх ажлын жагсаалттай ижил гэж ойлгож болно. Таны харилцагчтай эргэж холбогдох ёстой дуудлага, илгээх ёстой имэйл, товлосон уулзалт гээд л харилцагчтай холбоотой үүрэг, даалгавар, хийх ажлын жагсаалтыг энд тохируулдаг. Яг харилцагч, үйлчлүүлэгчидтэйгээ харилцах харилцааг тань зохицуулж байдаг хувийн туслах л гэсэн үг.

4. Дүн шинжилгээ, тайлан: Танай туслахын тайлангийн хуудастай л ижил. Эндээс дата мэдээлэлд дүн шинжилгээ хийж, борлуулалтын чиг хандлага, хэрэглэгчийн зан төлөв, маркетингийн кампанит ажлын үр дүнгийн талаар ойлголт авдаг. Та өөрийн бизнесийн талаар илүү сайн мэдээллээр үргэлж хангаж байх хувийн шинжээчтэй байхтай л ижил зүйл.

Жишээ нь та аялал жуулчлалын компанитай бол CRM дээрээсээ бүх үйлчлүүлэгчдийнхээ хэн нь хэзээ, ямар аялал авсан, тэдний сэтгэл ханамж, санал хүсэлт ямар байсан талаар гэх мэт бүхий л мэдээллийг хадгалж, харж, хянах боломжтой болно.

Тухайн үйлчлүүлэгч танайх руу залгавал та тэдний өмнөх харилцааны бүхий л түүхийг тэр дор нь шуурхай харж, түүнд ямар мэдээлэл өгөх өө, юу асуухаа мэдээд авна. Хэрэв та шинэ аялал зарлах гэж байгаа бол ямар аялал хамгийн өндөр эрэлттэй, хэн, хэн уг аялалыг сонирхож магадгүйг ч мэдэж байнаа гэсэн үг.

Танай итгэлтэй сайн туслахын адил CRM танай байгууллагын өдөр тутмын ажилд үнэлж баршгүй хувь нэмэр оруулах болно гэдгийг сануулах гэсэн юм! 😊

Манай CRM нэвтрүүлэх үйлчилгээний талаар дэлгэрэнгүй мэдээлэл авах бол энд дарна уу.

Манай энэ удаагийн СПОНСОР:

ИРГЭН, ХУУЛИЙН ЭТГЭЭДИЙН БАРИМТ БИЧГИЙН ЦАХИМ ҮЙЛЧИЛГЭЭ - iCompany.mn

Жижиг дунд бизнес эрхлэгчид, хувиараа бизнес эрхлэгчдийн санхүүгийн үйл ажиллагаанд зориулсан нягтлан бодох бүртгэлийн бүх баримт бичгийн загваруудыг шууд татан авч хэрэглэх боломжтой!