- Marketing Newsletter
- Posts
- 2025 оны сошиал медиа тэргүүлэх чиг хандлага
In partnership with
Даваа гарагийн мэнд!
Шинэ он ч гарах нь, цаг хугацаа ч тэр, сошиал медиа ч тэр гэрлийн хурдаар... Мэдээж энэхүү хурдтай өөрчлөлт шинэчлэлтийн чиг хандлагыг ойлгох, түүнд бэлтгэх нь маркетерүүдэд чухал. Hootsuite-с гаргасан 2025 оны сошиал медиа тэргүүлэх чиг хандлага, тэдгээрийг маркетингдаа хэрхэн ашиглах тухай зөвлөмжөөс тоймлон танд хүргэж байна.
1. Контент туршилт vs Брэндийн тогтвортой байдал
Дүрмийн бус бүтээлч байдлын чиг хандлага
2025 онд бизнесийн байгууллагууд уламжлалт маркетингийн хэв маяг, брэндийн тогтвортой байдал гэдэг зүйлээс татгалзаж эхлэхнээ. Creative Disruption Trend буюу Дүрмийн бус бүтээлч байдлын чиг хандлага бизнесийн байгууллагууд цоо шинэ, зоримог контентын төрлүүдийг туршиж үзэх, үүний тулд брэндийн бодлого, гарын авлага, удирдамжаа сулруулах шаардлагатай тулгарна. Одоо ч гэсэн брэндийн нүүр царай, өнгө төрхөөс тэс өөр дуу хоолой, өнгө төрх, дүрийг ашиглаж буй сошиал медиа мэргэжилтнүүд л амжилт авч ирж, ам дамжин яригдаж байна.
2025 онд бизнесийн байгууллагууд бүтээлч байдал, энтертайнмент чиглэлийг сошиал медиад тэргүүлэх эгнээнд тавьж чадвал, үр дүнд нь сошиал медиа хэрэглэгчдийн анхаарлыг татаж, сэтгэлийг жолоодож, улмаар бизнестээ "эерэг" нөлөө үзүүлэх боломжтой гэнэ.
Аутбаунд харилцааны чиг хандлага
Контент бүтээгчдийн постууд дээр сэтгэгдэл бичих нь бизнесийн байгууллага, брэндүүдийн хувьд шинэ хүмүүст хүрэх үр дүнтэй арга болж байгаа юм байна.
Ерөөс Outbound Engagement чиг хандлага гэдэг нь зөвхөн өөрийн пост дээрх комментод хариу өгөөд зогсохгүй, бусад хүмүүсийн ялангуая контент бүтээгчдийн постод коммент бичин харилцаа үүсгэх харилцааны чиг хандлага юм байна.
Гэхдээ тодорхой стратегитай ажиллах шаардлагатай гэнэ. Ихэвчлэн пост нийтлэгдснээс 24 цагийн дотор богино, хүчтэй нөлөө өгөхүйц коммент (10-аас 99 тэмдэгт) бичих нь хамгийн үр дүнтэй байдаг гэнэ.
Энэхүү Outbound Engagement чиг хандлагыг 2025 онд ашиглан бизнесийн байгууллагууд контент бүтээгчидтэй сайтар боловсруулсан төлөвлөгөөний дагуу хамтран, үнэ цэнэтэй харилцаа, хамтын ажиллагаа тогтоож чадвал, хүртээмжээ тэлж, өөрийн гэсэн үнэнч дагагчдыг бий болгож чадна гэнэ шүү.
ЭНЭ ДУГААРЫН СПОНСОР: The Rundown AI
Хиймэл оюун ухааны талаарх цэгцтэй мэдээллийг эндээс👇
Start learning AI in 2025
Everyone talks about AI, but no one has the time to learn it. So, we found the easiest way to learn AI in as little time as possible: The Rundown AI.
It's a free AI newsletter that keeps you up-to-date on the latest AI news, and teaches you how to apply it in just 5 minutes a day.
Plus, complete the quiz after signing up and they’ll recommend the best AI tools, guides, and courses – tailored to your needs.
2. AI тренд
AI агуулгын чиг хандлага
Ганцхан жилийн өмнө л AI гэдэг зүйл контент бүтээхэд нэр төдий оролцоотой байлаа. Харин одоо контент бүтээхэд зайлшгүй шаардлагатай зүйл болчихсон. Маркетерүүдийн 69% нь AI тэдний хувьд улам илүү их ажлын байр бий болгох эргэлт авч ирэх технологи гэж үзэж байна гэнэ. Түүнчлэн маркетерүүд сошиал медиа пост бүтээх ажлыг хиймэл оюунд даатгах нь хамгийн ихээр нэмэгдсэн байна.
Энэ өсөлтийн гол шалтгаан нь хэзээ ч дундрахгүй сошиал медиа постын хэрэгцээ гэнэ. Hootsuite-с гаргасан судалгаанаас харахад бизнесийн байгууллагууд сошиал медиа платформуудад 7 хоногт 48-72 пост нийтлэж байх шаардлагатай гэнэ. Энэ хэрэгцээ шаардлага л маркетерүүдийг хиймэл оюун ухаанд дурлах гол шалтгаан гэхэд болох юм байна.
Зураг бүтээх, текстийн санаа гаргах, зохиол бичих, орчуулах гээд бүхий л зүйлд маркетерүүдийн хамгийн гол туслах AI болсон гэхэд буруудахгүй болжээ.
Түүнээс гадна судалгаанаас харахад хатуу зохицуулалттай банк, санхүү, засгийн газрын байгууллагууд, эрүүл мэдийн салбарынхан, зохицуулалт багатай бусад салбарынхнаас илүүтэй хиймэл оюуныг ашигладаг гэнэ. Өөрөөр хэлбэл AI контент бүтээхэд заавал байх стандарт болчихсон гэсэн үг.
2025 онд ч энэ трэнд үргэлжлэх бөгөөд контентыг олноор нь бүтээх хиймэл оюун ухааны чадвар ч улам нэмэгдэх бололтой.
AI стратегийн хэрэглээний чиг хандлага
AI нь зөвхөн контент бүтээх хэрэгсэл байхаа больсон; стратегийн түвшинд ч өргөн хэрэглэгддэг болжээ. Сошиал медиа стратеги хариуцдаг албан тушаалтнуудын ¾ нь хиймэл оюун ухааныг ашигладаг гэж хариулсан байна. Өөрөөр хэлбэл гүйцэтгэх түвшний албан хаагчдаас илүү ашигладаг болсон гэсэн үг.
Хиймэл оюун ухааны хурдтай хөгжил нь өөрөө түүний дэвшилтэт функцуудыг үр дүнгийн шинжилгээ, маркетингийн кампанит ажлын удирдлага, урьдчилсан төсөөлөл гэх мэт стратегийн олон зүйлүүдэд ашиглахад тун хялбар болгосон. Тэр ч байтугай захирлуудын цагийг хамгийн ихээр авдаг төрөл бүрийн уулзалт, мэдээлэл, имэйлийн хураангуйг ч товчлон танд хүргэх ажлыг ч AI хийдэг болжээ.
Эндээс харахад хиймэл оюун ухаан ажил хөнгөвчилдөг арга хэрэгслээс сошиал медиа маркетерүүдийн хувьд стратеги төлөвлөлт дээр хамтран ажилладаг түнш болсон гэхэд буруудахааргүй болжээ. (Hubspot-н судалгаанаас харахад маркетингийн захирлуудын бараг тал хувь нь багийнхандаа зориулан AI түүлүүдэд хөрөнгө оруулалт хийсэн гэнэ.)
Бас нэгэн зүйл нь хиймэл оюун ухааныг зөвхөн контент бүтээхэд биш харин “strategic thinking” хэрэгсэл болгон ашиглаж буй байгууллагуудын хувьд нийтлэг зүйл байна гэнэ. Тэр нь тухайн байгууллагууд стратегийн хувьд байнгын шинэчлэлт хийдэг байдал нь гэнэ.
Мэдээж аливаа байгууллага стратегиа байнга шинэчилж байх олон шалтгаан бий байх. Шалтгаан нь юу ч байсан, нэг зүйл тодорхой бөгөөд энэ нь стратеги дээрээ “agile” аргачлалыг чухалчилдаг байгууллагуудын сошиал медиа багууд хиймэл оюун ухааны хэрэглээг аль ч түвшинд тэргүүн эгнээнд ашиглаж байна гэж хэлж болохоор байгаа юм байна.
2025 онд хиймэл оюун ухааныг стратеги болон гүйцэтгэлийн түвшинд ашиглаж буй сошиал медиа багууд бүтээмж, үр дүнгийн шинжилгээгээ сайжруулж, улмаар маркетингийн үйл ажиллагааныхаа үр дүнг дээшлүүлж, олон шинэ боломжуудын үүд хаалгыг нээх боломжтой гэнэ.
50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot
Тэгэхээр бидний хувьд 2025 онд хэрхэн ёстой болж байна вэ?
Дээрх сошиал медиа чиг хандлагуудыг өөрсдийн ажилдаа тултал ашиглахын тулд та бид дараах хэдэн практик алхмуудыг хийх боломжтой гэж үзэж байна:
Бүтээлч туршилтыг хүлээн ав: Шинэ зүйлийг туршиж үзэхээс бүү ай, брэндийн гарын авлага, дүрэм журмаас бага зэрэг хазайгаад үз. Сошиал медиа бол зоримог, оргиналь контентыг үнэлдэг орон зай.
Outbound оролцоо: Тодорхой урьдчилан төлөвлөсөн стратегийн дагуу контент бүтээгчидтэй хамтран ажилла. Ялангуяа коммент сэтгэгдлийн хэсэгт.
AI-г стратегийн түвшинд ашиглаж эхэл: Зөвхөн контент бүтээхэд хиймэл оюун ухааныг бүү ашигла. Стратеги төлөвлөгөөнд agility болон үр ашгийг нэмэгдүүлэх гол хэрэгслүүдийн нэг нь хиймэл оюун ухаан гэнэ шүү.
Micro-Virality чухал: Бүхий л вайрал болж буй трэндийг дагах биш өөрийн үндсэн хэрэглэгчдэд хамаарал бүхий контент бүтээхийг зорь.
Сошиал медиа байнга хөгжиж, өөрчлөгдөж байгаа тиймээс бидний хувьд ч мөн адил нөхцөл байдал түргэн зохицон өөрчлөгдөх болон бүтээлч байдал хамгийн чухал гэдгийг дахин дахин санаарай.
Түүнээс гадна хурдтай хувьсан өөрчлөгдөж буй сошиал медиа орчны талаарх мэдээллийг тогтмол хүргэхийг хичээдэг бидэнтэй хамт байгаарай!
Маркетерүүд зориулсан 7 хоног тутмын шинэ мэдээллээ бид Баасан гарагт илгээж байхаар болсон. Баасан гарагт дахин уулзая.
Аа тийм энэ имэйлийг хэн нэгэн танд forward хийсэн бол энд дарж имэйлээ бүртгүүлээрэй. Шууд таны инбокст ирдэг болно.
ЭНЭ ДУГААРЫН СПОНСОР: PodPitch👇
Get Your Team Booked on 3.8 Million Podcasts Automatically
It's 2025. Want to finally be a regular podcast guest in your industry? PodPitch will make it happen. Even the beehiiv team uses it!
The best way to advertise isn't Meta or Google – it's appearing on podcasts your customers love.
PodPitch.com automates thousands of weekly emails for you, pitching your team as ideal guests.
Big brands like Feastables use PodPitch.com instead of expensive PR agencies.