• Marketing Newsletter
  • Posts
  • FB сурталчилгааны оновчлол хэзээ хамгийн сайн, хэзээ тааруухан ажилладаг вэ? 🚀

FB сурталчилгааны оновчлол хэзээ хамгийн сайн, хэзээ тааруухан ажилладаг вэ? 🚀

Сурталчилгааны оновчлол гэж юу вэ?

Author

Nathouse
27 Nov

In partnership with

Даваа гараг шиг Лхагвын мэнд! Цас ороод хүйтрээд дээр нь баярын урамшуулал, хямдралын ажлууд гээд завгүй өдрүүд эхлэх нь дээ…

Facebook сурталчилгааны оновчлол ямар үед хамгийн сайн, ямар үед тааруухан ажилладаг вэ?

Facebook сурталчилгаа хүргэх оновчлолын гол үүрэг таны сурталчилгааны үр дүнг нэмэгдүүлэх. Гэхдээ зарим үед яг бидний хүсч буй үр дүнг авч ирэхгүй байх нь бий бий.

Энэ удаад Метагийн сурталчилгааны оновчлол хэзээ ямар үед сайн ажиллаж, ямар үед байгаа онодоггүй вэ гэдэг талаарх мэдээлэл хуваалцахаар бэлтгэлээ.

Ямар үед сайн ажилладаг вэ: Meta сурталчилгааны оновчлол таны сурталчилгааны зорилгыг маш тодорхой мэдэж байгаа үедээ л хамгийн сайн ажилладаг. Жишээ нь та сурталчилгааны зорилгоо худалдан авалтыг нэмэгдүүлэх, борлуулалтын сэжим үүсгэх гэх мэтээр маш тодорхой зааж өгсөн тохиолдолд хамгийн үр дүнтэй, сайн ажилладаг. Сурталчилгааны оновчлол дараах 2 тохиолдолд хамгийн сайн ажиллах магадлалтай.

  • Maximize Conversions (Purchase Event) буюу худалдан авалтанд чиглүүлсэн сурталчилгааны хувьд та “Conversion Event“ тохируулах, ямар тохиолдолд худалдан авалт хийлээ гэдгийг хэмжих үйлдлийг тодорхойлсон байх ёстой. Энэ тохиолдолд Мета таны зааж өгсөн төсвөөр аль болох хамгийн их худалдан авалт хийгдэхээр сурталчилгааг оновчилдог.

  • Maximize Conversion Leads буюу бодит хэрэглэгч болох боломжтой сэжимд чиглүүлсэн оновчлолын хувьд “Instant Forms” ашигласан сурталчилгааны хувьд идэвхжүүлэх боломжтой. Мета оновчлол энэ тохиолдолд мэдээллээ илгээж, улмаар хэрэглэгч болох магадлалтай хүмүүст танай сурталчилгааг хүргэдэг.

Дээрх 2 сонголтын хувьд хамгийн гол давуу тал нь зорилго буюу та сурталчилгааны үр дүнд юу хүсч байгаагаа маш тодорхой зааж өгсөнд байгаа юм. Тэрийг нь ч Мета алгоритм хэмжих, тийш нь хэрэглэгчдийг чиглүүлэх боломжтой.

Ямар тохиолдолд оновчлол байгаа онодоггүй вэ: Зорилго тодорхой бус байгаагаас л асуудал эхэлдэг гэж хэлж болно. Ихэнх тохиолдолд ялангуяа Монголд дийлэнх FB бүүст Conversions буюу худалдан авалтад биш харин Engagement-д чиглүүлэн хийгдэж байгаа.

Жишээ нь илүү олон хариу үйлдэл авах-Post engagement, мэссэж харилцаа үүсгэх-Send message, видео үзэлт нэмэгдүүлэх-Video view гэх мэт үр дүнд чиглүүлсэн бүүстийг дийлэнх маркетерүүд хийдэг.

Эндээс л асуудал эхэлдэг. Учир нь хэрэв та сурталчилгаагаа видео үзэлтэд чиглүүлж байгаа бол Мета танай сурталчилгааг 3 секунд буюу түүнээс дээш хугацаагаар үзэх магадлалтай хүмүүст л харуулахаар оновчлоно гэсэн үг. Гэхдээ бидний хувьд видео сурталчилгааг маань зүгээр үзээд зогсохгүй, худалдан авалт хийх хүмүүс л хэрэгтэй. Өөрөөр хэлбэл чанартай үзэлт. Харин таны сурталчилгааны сонголт чанартай үзэлт гэж юуг хэлэх вэ гэдгээ зааж өгөөгүй бол Facebook дээр хамгийн ихээр видео үздэг хүмүүст л танай бүүст очиж байх магадлалтай гэсэн үг.

Харин бидэнд манай видеог үздэг хүмүүс биш үзээд цааш лавлан дараагийн мэдээллийг хайдаг, манайх руу залгадаг, мэссэж бичдэг, ирж худалдан авалт хийдэг хүмүүст хүрэх хэрэгцээ байгаад байдаг.

Оновчлолыг хэрхэн сайжруулах вэ: Мэдээж Метагийн алгоритмд сурталчилгааны үр дүнгээс хүлээж буй зүйлээ тодорхой болгох. Сурталчилгааны үр дүнг шууд хэмжиж болохуйц Conversion API тохируулаад Purchase Events-д чиглүүлэх боломжгүй бол жишээ нь онлайн худалдан авалтын вэб хуудас байхгүй бол Метагийн оновчлол чанартай хэрэглэгчдийг ялгаж чадахгүй. Тэгэхээр бид магадгүй сурталчилгаанд ашиглаж буй зураг, бичлэг, текст гэх мэт креатив зүйлс дээрээ илүү анхаарал хандуулах нь хамгийн чухал зүйл болж байна даа.

Мөн бидний бэлтгэсэн дараах нийтлэлүүдтэй танилцан дэлгэрэнгүй мэдээлэл аваарай:

Маркетерүүд зориулсан 7 хоног тутмын шинэ мэдээллээ бид Баасан гарагт илгээж байхаар болсон. Баасан гарагт дахин уулзая.

Аа тийм энэ имэйлийг хэн нэгэн танд forward хийсэн бол энд дарж имэйлээ бүртгүүлээрэй. Шууд таны инбокст ирдэг болно.

ЭНЭ ДУГААРЫН СПОНСОР: PodPitch

Сурталчилгааны шинэ арга 👇

Save 13 Hours Weekly of Podcast Pitching with PodPitch.com

It's 2025. Want to finally be a regular podcast guest in your industry? PodPitch will make it happen. Even the beehiiv team uses it!

The best way to advertise isn't Meta or Google – it's appearing on dozens of podcasts that your customers already love.

You could write a few emails yourself to podcast hosts...

Or you could automate thousands of emails going out weekly, pitching your people as the PERFECT next podcast guest.

  • Log in with your email

  • Load your brand info

  • Click "automate"

Emails pitching your team as the perfect next guest will start sending out automatically to podcast hosts.

Big brands like Feastables are already using it instead of expensive PR Agencies.

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot