Сошиал медиа өнгөрсөн 7 хоногт 28/08/2025🚀

8 сарын 28-ний мэнд!

Хиймэл оюун ухаан, хайлтын тухай нэг хов байнаа🤫. OpenAI Google хайлтыг чимээгүйхэн ашигласаар байгаа гэнэ шүү, энэ тайлангаас харахад.

Хэдийгээр Google-г биш Bing болон өөрийн өгөгдөл дээр түшиглэн ажиллах болсон гэж мэдэгдсэн ч, OpenAI шинэ мэдээ, спорт, санхүүгийн мэдээлэл гэх мэт тухайн цаг үеийн шинэ мэдээлэлд Google-н индексийг ашигласаар байгаа юм байна.

Тэгэхээр ямартай ч Google-ийн индекс хайлтын системийн оновчлолд хамгийн чухал нь хэвээр байгаа бололтой. Ялангуяа AI хайлтанд өртөх бол Гүүглэд өртөх хэрэгтэй л байгаа юм байна.

Хүмүүсийг дэлгэцээ гүйлгэхийг хэрхэн зогсоох вэ: Сошиал медиа маркетерүүдийн хувьд энэ асуултын хариултаас илүү чухал зүйл гэж үгүй бизээ.

Instagram Reels-н үр дүнгийн талаарх гаргаж өгдөг болсон нэмэлт мэдээллүүд энэ асуултын хариуг олж авахад тус болохоор харагдаж байна шүү. Шинээр гаргасан “Retention” график танай рийлсийг үзэж байгаа хүмүүс хаана хүрээд үзэхээ болиод байгааг харуулна.

Түүнчлэн Skip rate гэдэг үзүүлэлт эхний гурван секундын дотор хэдэн хүн танай Reel-г скип хийснийг харуулах гэнэ.

Маркетингийн видео, рийлст hook-дэгээ гэдэг зүйл хамгаас чухал болчихсон энэ үед ажилд тань хэрэгтэй мэдээлэл өгдөг болжээ. Баярлалаа Инста 😀.

Бас нэг зүйл: Instagram-н босс Адам Моссери урт тайлбар текст хүртээмжид нөлөөлөхгүй гэсэн байна. Уртаас урт тайлбар текст пост дээрээ бичдэг бол цаашид ч бичээрэй. Гэхдээ урт текстийг аль хүртэл нь хэн унших билээ гэдгийг та тунгаана бизээ.

Энэ удаагийн дугаарт:

• Өнгөрсөн 7 хоногийн онцлох сошиал медиа мэдээллүүд

Бас нэг заавал дуулгах мэдээтэй:

Бид "FACEBOOK МАРКЕТИНГ МАСТЕРКЛАСС 2025" онлайн сургалтаа цоо шинэ агуулгатайгаар шинэчлэн эхэлж байгаа шүү.

"FACEBOOK МАРКЕТИНГ МАСТЕРКЛАСС 2025" 

2025 онд амжилттай борлуулалт хийхийн тулд ШИЛДЭГ FACEBOOK МАРКЕТЕРҮҮД юуг мэдэх шаардлагатай вэ? Зүгээр нэг онол биш, бодит үр дүнд хүрэх боломжтой, хамгийн сүүлийн үеийн мэдлэг, арга техникүүдийг багтаасан бүрэн зураглал бүхий онлайн сургалт.

Илүү дэлгэрэнгүйг эндээс!

ӨНГӨРСӨН 7 ХОНОГИЙН ОНЦЛОХ МЭДЭЭ

Мета контент бүтээгчдэд зориулсан хиймэл оюун ухааны орчуулагч танилцуулсан байна. Контент бүтээгчид Рийлсийн яриаг Англи-Испани хэл хооронд автоматаар орчуулахаас гадна ам барих, дуу хоолойны өнгийг автоматаар тохируулах хүртэл боломжтой болсон гэнэ. Маркетерүүдийн хувьд хялбархан байдлаар шинэ хэрэглэгчдэд хүрэх шийдэл болж байгаа юм байна. Бичгэн хадмал орчуулга ч хэрэггүй болох нь!

Үргэлжлэл доош гүйлгээд👇👇

50% ХӨНГӨЛӨЛТТЭЙ!

Манай чатбот үйлчилгээний төлбөр 50% хямдралтай байгаа дээр Facebook Page, Instagram хаягтайгаа холбогдох, бүх төрлийн пост, Рийлсийн комментод автоматаар хариу өгөх, Boost-төлбөртэй сурталчилгаатай холбох боломжтой ЧАТБОТТОЙ болоод аваарай: https://martech.bitrix24.site/chatbot

ИНСТАГРАМ

• Instagram ч мөн яриа орчуулдаг AI-тай болжээ. Рийлс нийтлэхэд Англи-Испани хэл хооронд автомат орчуулга хийх сонголт гарч ирдэг болсон бөгөөд ам барих функцтэй юм байна.

• Instagram Reels-н үр дүнгийн хэсэгт Retention болон Skip Rate гэсэн хэмжигдэхүүнүүдийг оруулсан байна. Үзэгчид хэзээнээс сонирхол нь буурч байгааг, эхний гурван секундэд хэдэн хүн алгасах үйлдлийг хийж буйг эндээс харах ньщ. Эхлэлээ шинэчлэх хэрэгтэй эсэхийг хэлээд өгөх нь байна шүү.

  

МЕТА&FACEBOOK

• Мета ЕХ-ны Фэйсбүүк хэрэглэгчдэд зориулж "Help me write" AI танилцуулсан байна. Ер нь хиймэл оюун ухаан пост хийхэд хүртэл текст засах, сайжруулахад тусладаг болох нь.

• Метагийн Superintelligence Labs-с маркетерууд юу хүсч байна. Metа Superintelligence Labs-аа нээж байгаагаа зарлаж, асар их хөрөнгө оруулалтыг ийш нь чиглүүлж буй. Харин эндээс маркетерүүд юу хүсч байгаа талаарх тун дажгүй нийтлэл байна. Хэт хаалттай нууцмал автоматжуулалт биш, хэрэглэгчдийн талаарх илүү дэлгэрэнгүй мэдээлэл, сурталчилгаа бүтээх явцад үзүүлэх тусламж, тэгээд ойлгомжтой илүү их сурталчилгааны үр дүн, өгөөж хүлээж байгаа гэнэ.

  

• Мета Hypernova ухаалаг нүдний шилээ Connect 2025 дээр нийтэд танилцуулах бололтой. 800 ам.долларын үнэтэй "Hypernova" ухаалаг шил нь камер, дэлгэц, бугуйны EMG удирдлагатай байх гэнэ. Мета ухаалаг нүдний шилний зах зээлийн 73 хувийг эзлэх болсон гэдгийг сануулъя.

YOUTUBE

• YouTube Shorts видео засварлахад хиймэл оюун ухаан ашиглаж байна. Видео нийтэлсний дараа илүү тодруулж, дүрсийг сэргээх зэрэг засварыг шинэ машин сургалтын тусламжтайгаар хийж, Shorts бичлэгийг сайжруулж байгаа гэнэ. Гэхдээ ийм засвар хийхдээ YouTube хэрэглэгчийн зөвшөөрөлгүй хийчихдэг нь асуудал дагуулаад байгаа юм байна.

  

• YouTube Music харилцааны болон мэдээллийн шинэ функцууд нэмжээ. Дууны албом, жагсаалт дээр сэтгэгдэл үлдээх, удахгүй болох тоглолтууд, шинэ дууны мэдээлэл хүлээн авдаг болжээ.

LINKEDIN

• LinkedIn хиймэл оюун ухаан ашиглан бүтээсэн контентоор дүүрч, мэргэжлийн итгэлтэй эх сурвалж гэдэг хүлээлтээ алдаж байна. Урт нийтлэлүүдийн талаас илүү хувь нь хиймэл оюун ухааны тусламжтай бичигдсэн, 2024 онд 100 сая гаруй хуурамч данс хаагдсан. Эндээс харахад бодит хэрэглэгчид нь ботууд болон автоматжуулалтад даруулж байна гэхэд болохоор. Гүйцэтгэх захирал нь хүртэл ажлын имэйлээ хиймэл оюун ухаанаар бичүүлдэг гэнэ шүү.

• LinkedIn автоматжуулсан сэтгэгдлийн хүртээмжийг хязгаарлана. LinkedIn хуурамч engagement-н талаарх авах арга хэмжээний хүрээнд ботууд, автоматжуулалт ашиглан бичсэн сэтгэгдлүүдийн хүрэх хүртээмжийг бууруулсан байна.

БУСАД

• Google ЕХ-ны улсуудад Google AI горимоо гаргана. Европын хэрэглэгчид Google-н хиймэл оюун ухааны функцуудыг ашиглаж эхлэх нь. Контент бүтээгчид, маркетерүүдийн хувьд анхааралтай ажиглах үйл явдал гэнэ шүү!

• Google YouTube дээр бага насны хүүхдүүдийн үйлдлийг хянасныхаа төлөө 30 сая долларын торгууль төлнө. Google компани 13-аас доош насны хүүхдүүдийг YouTube-н сурталчилгааны зорилтот сегментэд хамруулан, хууль бусаар дагах тракинг хийсэн учраас 30 сая доллар төлнө.

• АНУ-ЕХ-ны дижитал худалдааны хэлэлцээр томоохон өөрчлөлт авч ирнэ. Meta, X, LinkedIn болон бусад технологийн томчуудын хувьд АНУ-ЕХ-ны худалдааны шинэ хэлэлцээр Европ дахь үйл ажиллагаанд нь тавигдсан төрөл бүрийн хориг, хязгаарлалтуудыг сулруулна хэмээн найдаж байгаа гэнэ.

• Дижитал маркетингт итгэлцэл юу юунаас илүү чухал? Хэрэглэгчдийн хувийн мэдээллийн нууцлалын шинэ дүрэм, зохицуулалт, хиймэл оюун ухааны хэрэглэгээ зэрэг нь дижитал орчин дахь маркетерүүдийн хувьд итгэлцэлд суурилсан стратеги улам бүр чухал гэдгийг энэхүү нийтлэл сануулжээ.

"FACEBOOK МАРКЕТИНГ МАСТЕРКЛАСС 2025" 

2025 онд амжилттай борлуулалт хийхийн тулд ШИЛДЭГ FACEBOOK МАРКЕТЕРҮҮД юуг мэдэх шаардлагатай вэ? Зүгээр нэг онол биш, бодит үр дүнд хүрэх боломжтой, хамгийн сүүлийн үеийн мэдлэг, арга техникүүдийг багтаасан бүрэн зураглал бүхий онлайн сургалт.

Илүү дэлгэрэнгүйг эндээс!