- Marketing Newsletter
- Posts
- Сошиал медиа өнгөрсөн 7 хоногт 30/09/2025🚀
2025 оны 9-р сарын сүүлийн өдрийн мэнд!
GOOGLE үү эсвэл хиймэл оюун ухаан уу: AI хайлт яг ид хүчээ авч байгаа ч бодит байдал дээр ChatGPT дээр 66 сая харин Google дээр өдөрт 14 тэрбум хайлт хийдэг хэвээр гэнэ. Google дээр одоогоор 210 дахин олон хайлт хийдэг юм байна. Зүгээр л бодит байдал ямар байгааг л харуулах гэсэн юм.
Өнгөрсөн 7 хоногийн онцлох мэдээ: Instagram 3 тэрбум хэрэглэгчийн босгийг давж, UI-аа шинэчлэжээ. Instagram албан ёсоор энэ ертөнцийн 3 хүн тутмын 1 нь өдөр тутам ашигладаг апп болжээ. Түүнээс гадна DM, Reels болон feed-д хандахад илүү хялбар шинэ UI гаргасан юм байна. Түүнчлэн Reels-д ямар сэдвийн бичлэг илүү (эсвэл бага) үзэхийг хүсч байгаагаа хэлж, алгоритмыг тохируулах боломжтой болж байгаа гэнэ.
Энэ удаагийн дугаарт:
Өнгөрсөн 7 хоногийн онцлох сошиал медиа мэдээллүүд
Бас нэг заавал дуулгах мэдээтэй:
"FACEBOOK МАРКЕТИНГ МАСТЕРКЛАСС 2025" ОНЛАЙН СУРГАЛТ: ЯГ ОДОО БҮРТГҮҮЛЭЭД 50% ХӨНГӨЛӨЛТ + ЧАТБОТ ҮЙЛЧИЛГЭЭ ҮНЭГҮЙ!
Онлайн сургалт 139'000₮+ Чатбот үйлчилгээ 550'000₮ = Зөвхөн өнөөдөр 69'000₮. ЭХНИЙ ЦӨӨН СУРАЛЦАГСДАД! Бүртгүүлэх!
"FACEBOOK МАРКЕТИНГ МАСТЕРКЛАСС 2025"
2025 онд амжилттай борлуулалт хийхийн тулд ШИЛДЭГ FACEBOOK МАРКЕТЕРҮҮД юуг мэдэх шаардлагатай вэ? Зүгээр нэг онол биш, бодит үр дүнд хүрэх боломжтой, хамгийн сүүлийн үеийн мэдлэг, арга техникүүдийг багтаасан бүрэн зураглал бүхий онлайн сургалт.
Илүү дэлгэрэнгүйг эндээс!
ӨНГӨРСӨН 7 ХОНОГИЙН ОНЦЛОХ МЭДЭЭ
ИНСТАГРАМ
Instagram апп дотроосоо Story хугацаа товлон, төлөвлөх функц гаргах гэнэ. Тун удахгүй Instagram аппаас Cтори шууд schedule хийдэг болох нь. Одоо бол энэ функц зөвхөн гуравдагч аппын л хийдэг зүйл.
Инстаграм Reels апп гаргахаар Энэтхэгт туршиж байгаа юм байна. Хязгаарлагдмал тооны хэрэглэгчдийн хувьд Reels-г бусад контентоос илүүтэй эрэмблэн онцгойлсон уг аппыг туршиж байгаа гэнэ.
Instagram алгоритмаа 5120x1080 харьцаатай Reels-д зориулж шинэчилсэн гэнэ. Ингэснээр Инста дээр хэт өргөн формат бүхий Reels постлох боломжтой болж байгаа юм байна.
МЕТА&FACEBOOK
Meta Vibes хэмээх TikTok-нхтой төстэй AI видео feed гаргаж байгаа юм байна. Meta AI апп дотор шинээр Vibes feed нэмснээр богино хэмжээний AI видеонууд үүсгэж, микс хийж, хуваалцах боломжтой гэнэ. Уг feed хэрэглэгчдийн сонирхолтой нийцүүлэн өөрчлөгдөх, Instagram, Facebook Stories, Reels-д видео нийтлэх боломжтой болно.
Мета Их Британид төлбөртэй сурталчилгаагүй Facebook, Instagram гаргажээ. Их Британийн хэрэглэгчид сард 2.99£-3.99£ төлөөд, сурталчилгаагүй, өөрийн дата мэдээллийг сурталчилгааны зорилгоор ашиглуулахгүй байх боломжтой болжээ. Хэрэгтэй хүмүүстээ хэрэгтэй л юм, харин хэр их хүн төлбөрийг нь төлдөг юм болдоо?
Мета төлбөртэй сурталчилгааны биенесээ өргөтгөхийн тулд Google Gemini AI-г ашиглаж магадгүй. Мета Gemini AI-г сурталчилгааны зорилтот сегмент оновчлол, контент санал болгох чиглэлд ашиглахаар Google-тэй ярилцаж байгаа гэнэ.
Threads идэвхтэй хэрэглэгчдийн тоогоор удахгүй X-г ардаа орхино. Сүүлийн статистик мэдээллээс харахад Threads удахгүй өдөр тутмын идэвхтэй хэрэглэгчийн тоогоор X-с илүү гарах магадлалтай байна.
YOUTUBE
YouTube зүй бус үг хэллэг ашигласан видеонд тавигдах сурталчилгааны дүрмээ шинэчлэнэ. Эхлэл хэсэгтээ зүй бус үг хэллэг агуулсан бичлэгүүд сурталчилгаа байршуулах эрхтэй болох магадлалтай юм байна. Харин хүчирхийлэл болон бусад хориотой сэдэв бүхий контент сурталчилгаа байршуулах эрхгүй хэвээр.
YouTube Shorts-д зориулсан "extend with AI" функц гаргажээ. Видео бичлэг засварлах энхүү шинэ функц Shorts-н бичлэгийг хиймэл оюун ухаан ашиглан сайжруулах боломж өгөх гэнэ.
YouTube өмнө нь хориглогдсон контент бүтээгчдийг эргэн ирэх боломжийг олгож байгаа гэнэ. Alphabet компани буруу ташаа мэдээлэл тархаасан хэмээн хориглогдсон контент бүтээгчдийг YouTube-д дахин нэгдэх боломж олгож эхэлсэн байна.
LinkedIn Company Intelligence API гаргажээ. LinkedIn сурталчилгааны кампанит ажлынхаа оролцооны өгөгдлийг CRM-тэй шууд синк хийж, сурталчилгааны үр дүнг хянах, сэжмийн холболт хийх боломжтой болно гэнэ. B2B маркетерүүдийн хувьд ч хэрэгтэй л зүйл болох нь!
LinkedIn сурталчилгааны оновчлол Microsoft-ын өгөгдөлд тулгуурлан сайжирна. Майкрософтын траккинг хэрэгсэл, сурталчилгааны сүлжээнээс зан төлвийн өгөгдлүүд хүлээн авах болсноор LinkedIn-н сурталчилгааны зорилтот хэрэглэгчдийн оновчлол сайжирна.
LinkedIn AI tools hub танилцуулжээ. Microsoft, Canva, Squarespace зэрэг компаниудын кодчилол, маркетинг, карьер хөгжүүлэлтийн хиймэл оюун ухааны шилдэг шийдлүүдтэй эндээс танилц.
БУСАД
Google Discover-т Instagram, X, YouTube Shorts постууд гарч ирдэг болжээ. Сошиал медиа постуул Google Discover-т шууд гарч ирдэг болсноос гадна контент бүтээгчдийг нь дагах товч ч байдаг болж.
Худалдааны байгууллагууд сошиал медиа сурталчилгааны зардлаа өсгөж байна. Инстаграм, ТикТок зэрэг платформ дээр худалдааны байгууллагууд сурталчилгааны зардлаа огцом нэмэгдүүлснээр сурталчилгааны орлогын өсөлтийн 40 гаруй хувийг сошиал медиа бүрдүүлж байгаа юм байна.
TikTok 14 тэрбум долларын гэрээ үзэглэжээ. Цагаан ордоноос TikTok-н ихэнх хувийг АНУ-н компаниуд эзэмшиж, мэдээллийн хатуу хяналттай болно гэж мэдэгдсэн ч Хятадын талаас гэрээнд хараахан гарын үсэг зураагүй байна.
"FACEBOOK МАРКЕТИНГ МАСТЕРКЛАСС 2025"
2025 онд амжилттай борлуулалт хийхийн тулд ШИЛДЭГ FACEBOOK МАРКЕТЕРҮҮД юуг мэдэх шаардлагатай вэ? Зүгээр нэг онол биш, бодит үр дүнд хүрэх боломжтой, хамгийн сүүлийн үеийн мэдлэг, арга техникүүдийг багтаасан бүрэн зураглал бүхий онлайн сургалт.
Илүү дэлгэрэнгүйг эндээс!