ТикТокын нууц шидэт товчлуур, Google ChatGPT-тэй өрсөлдөх үү?

2023 оны эхний 25 хоног ард үлджээ! Оны эхэнд гаргасан зорилтуудаа дахин нэг эргэж харах цаг болжээ :) 

Instagram-н захирал өнгөрсөн жил тэд видео контентонд хэт их анхаарал хандуулсан гэдгээ хүлээн зөвшөөрчээ. 

Түүнчлэн Instagram 3 функц шинээр танилцуулсан нь 

👉 Quiet mode for notifications - Ирж буй анхааруулгыг хаах Чимээгүй төлөв;

👉 Hidden words for recommendations - Санал болгох контентыг тодорхой түлхүүр үгээр шүүх;

👉 Not Interested (Tiktok-like button)Video - Өөрт таалагдаагүй контентийг тэмдэглэх ингэснээр дараагийн удаад энэ төрлийн контент Explore табд гарч ирэхгүй байх тохиргоонууд байжээ. 

Манай энэ удаагийн санал асуулганд идэвхтэй оролцоорой. Бас үр дүнг нь хараарай.

Instagram өнгөрсөн жил видео контентийг хэт дэмжсэн үү?

Instagram босс Adam Mosseri хэвлэлийнхэнтэй хийсэн ярилцлагынхаа үеэр тэд өнгөрсөн жил видео постуудад түүний дотор Рийлс-д хэт их анхаарал хандуулснаа хүлээн зөвшөөрчээ.

Адам Моссери:

"Бид фото зурагчдын дургүйг хүргэсэн. Гэхдээ миний хувьд нэг зүйлийг онцолмоор байна. Хэдийгээр бид видео контентонд анхаарлаа хандуулж байгаа ч зурагт постууд бидний хувьд тун чухал. Фото зураг Instagram-н хамгийн чухал хэсэг байсаар ирсэн, цаашид ч байх болно.Миний бодлоор бид 2022 онд видеонд хэт их анхаарсан, үндсэндээ хэт их видеог дэмжиж, зурагт постуудад бага анхаарсан. Одоо бол зохистой балансыг олсон. Энэ нь ч хүмүүсийн лайк дарж, коммент бичиж буй зураг болон видео постын харьцаа ойролцоо болж ирснээр харагдаж байгаа. 

Мэдээж видео контент илүү их хандалт авч байгаа бол илүү их видео хэрэглэгчдэд харагдана. Гэхдээ зурагт постууд бидний хувьд чухал хэсэг байсаар байх болно. Тэгээд ч гайхалтай зураг харахаар Инстаграмд ханддаг олон хэрэглэгч байдаг шүү дээ."

ТикТокын нууц шидэт товчлуур: Халаагч товч

Forbes сэтгүүлийн хэд, хэдэн эх сурвалжаар баталгаажуулсан мэдээллээр TikTok болон ByteDance-н ажилчид “heating-халаагч” товчлуурыг ашиглан сонгосон видеогоо тодорхой тооны үзэлтэд хүргэх аргыг тогтмол хэрэглэдэг гэнэ.

Өмнө нь TikTok-н тайлбарлаж ирснээр "For You" хуудас нь тухайн хэрэглэгчийн сонирхол дээр үндэслэн, тодорхой алгоритмын тусламжтайгаар контент санал болгодог байсан бол яг үнэндээ энэ нь бас ч бүхэлдээ зөвхөн алгоритмын ажил биш гэдэг нь тодорхой болжээ.  

Эх сурвалжуудын мэдээлснээр алгоритмаас гадна TikTok-н болон ByteDance-н ажилтнууд нууцаар тусгайлан сонгосон видеогоо олон хүнд хүргэх ажлыг зохион байгуулдаг байсан байна. Ингэснээр эдгээр сонгогдсон бичлэг нь тодорхой тооны үзэлтэнд хүрэх хүртэл автоматаар хүрэх хүний тоог нь нэмдэг байж.

Ийм төрлийн бичлэгийн нийт үзэлт, өдөр тутмын нийт видео үзэлтийн 1-2%-д хүрдэг байсан нь нийт хэрэглээнд томоохон нөлөө үзүүлэхүйц хувь хэмжээ гэнэ.

Энэхүү функцын гол зорилго нь ихэнхдээ нөлөөлөгчид, контент бүтээгчдийг болон бизнесийн байгууллагуудыг тэдний видео үзэлтийн тоог хиймэлээр өсгөн, өөрийн платформд татах явдал байдаг юм байна. 

Гэсэн хэдий ч зарим ажилтнуудын хувьд энэ "халаах" функцыг өөрийн болон ойр дотны хүмүүсийнхээ видео үзэлтийг өсгөх зорилгоор ашиглах явдал ч гардаг гэнэ. 

Тэгэхээр таньтай ТикТок хамтарч ажиллах хүсэлтэй байгаа бол таны видео үзэлтийг хэд ч хүргэх боломжтой гэсэн үг юм байна. Харин энэ нь бусад контент бүтээгчдийн хувьд тун ч таатай биш үр дүнд хүргэх магадлалтай юм шиг. 

Ер нь тэгээд яг бидэнд тайлбарлаж байгаачлан алгоритмын дагуу контент түгээлт хийгддэг юм болов уу даа бусад сошиал платформууд дээр ч гэсэн?

Google ChatGPT-тэй өрсөлдөх үү?

Интернэт орчинд OpenAI компанийн ChatGPT сүүлийн 2 сарын хугацаанд хамгийн ихээр шуугиан дэгдээж байна. 

Microsoft хэдийнэ ChatGPT-г Microsoft Bing хайлтын системдээ ашиглахаар ажиллаж байгаа. Ингэснээр хайлтын системийн оновчлолыг тэр чигт нь орвонгоор нь эргүүлэх магадлал бий.  Гэнэтхэн л Bing таны хайж буй хэцүү асуултуудад зүгээр линк санал болгох биш харин яг таг хариулаад эхлэвэл юу болохыг нэг төсөөлөөд үзээрэй. 

Улаан код. Өнгөрсөн 12 сард Google-н CEO Sundar Pichai Гүүглийн хайлтын системийн бизнест ChatGPT ноцтой аюул учруулж магадгүй гэдгийг анхааруулан “code red”-г идэвхжүүлсэн гэнэ.

Түүнээс гадна 2019 онд ажлаа өгсөн Гүүглийн үүсгэн байгуулагчид болох Larry Page, Sergey Brin нарыг ч компанийхаа хиймэл оюун ухааны стратегийг ярилцах хэлэлцүүлэгт урьж оролцуулсан гэнэ. Үүнээс өмнө тэд Гүүглийн бизнестэй холбоотой ямар ч асуудалд оролцохоо больсон байсан гэнэ шүү.

Гүүглийн хувьд маш олон бүтээгдэхүүн зах зээлд гаргахад бэлэн болсон бөгөөд бид тун удахгүй эхнээс харах нь ээ.

Инстаграм маркетингийн цоо шинэ сургалт! 3 ҮНДСЭН АГУУЛГА- Инстаграм дагагчаа өсгөх нь- 1 сая+ үзэлттэй Reel хэрхэн хийх вэ?- Photoshop ашиглахгүйгээр чанартай контент хэрхэн хийх вэ? Сургалтад бүртгүүлэх болон төлбөрийн мэдээлэл авах бол энд дарна уу! 

Яг одоо туршаад үзэхүйц, хэрэгжүүлэх боломжтой маркетингийн зөвлөгөө, мэдээллүүд!Товчхон, тун хэрэгтэйTiktok: ТикТок маркетерүүдэд зориулсан үнэгүй Контент календар гаргажээ. 

LinkedIn: B2B маркетингийн шинэ мэдээлэл, инфографикийг багтаасан репорт гаргасан байна. 

Email маркетинг: Таны илгээх имэйл чинь спам гэж ангилагдах магадлал хэр их байгааг илгээхээсээ өмнө шалгаж болох нь байна.