Facebook-н ҮЕ өнгөрсөн гэж ярих арай болоогүй бололтой. 

Facebook-н ҮЕ өнгөрсөн гэж ярих арай болоогүй бололтой.

Facebook-н өдрийн идэвхтэй хэрэглэгчийн тоо 2 тэрбумын босгыг давжээ. Facebook, Instagram & WhatsApp-г өдөр бүр ашигладаг хэрэглэгчдийн тоо бас л ХАМГИЙН өндөр түвшинд хүрсэн гэнэ. Зарим хүмүүсийн яриад байгаачлан Facebook-н ҮЕ өнгөрсөн гэх нь арай эрт байгаа бололтой.

Харин сарын идэвхтэй хэрэглэгчийн тоог нь яривал FB-г 3 тэрбум, Метагийн бүх аппуудыг нь 3.7 тэрбум хүн ашиглаж байна.

Meta-н өнгөрсөн улирлын (2022 оны 4-р улирал) тайлангаас Zuckerberg захирлын дурьдсан цөөн хэдхэн тоог танилцуулбал ийм байна. Эдгээрээс гадна:

• Meta-н хамгийн гол анхаарлаа хандуулж буй 2 чиглэл өмнөх жилийнхтэй ижил байх гэнэ 2023 онд: i) AI буюу хиймэл оюун ухаан - яг одоо, ii) metaverse - урт хугацаанд.

• AI дэмжлэг бүхий санал болгох функц бүхий л төрлийн контентийг хамарч байгаа ч богино видео буюу Reels-т онцгой анхаарал хандуулсан хэвээр байх гэнэ.

Zuckerberg захирлын мэдээллийг бүрэн эхээр нь эндээс...

Майкрософт болон Google компаниуд хиймэл оюун ухааны оролцоо бүхий хайлтын системүүдээ зах зээлд гаргана.

Майкрософт болон Google хиймэл оюун ухааны оролцоо бүхий хайлтын системүүдээ нийтэд зарлаад танилцуулаад эхэлчихлээ.

Ингээд интернэт хайлтын хөгжил эрс өөр чиглэлд урагшлахаар болж байх шиг...

Гэнэтийн танилцуулга: Урьдчилан төлөвлөгдөөгүй гэнэтийн арга хэмжээний үеэр Microsoft компани Open AI-н GPT 3.5 дээр суурилсан шинэ Bing хайлтын систем болон Edge интернэт хөтчөө танилцуулжээ.

Танилцуулгын үеэр хүмүүс Bing-с хоолны жор асууж, тавилга худалдан авч, ChatGPT-тэй төстэй чат ашиглан аяллын зөвлөгөө авч байгааг үзүүлсэн байна.

Google: Мэдээж, Google бас цагийг дэмий үрээгүй бололтой. Тус компани өөрийн хиймэл оюун ухаан ашигласан Bard хэмээх үйлчилгээг зах зээлд нэвтрүүлэхээ мэдэгдсэн. Гүүглээс мэдээлэл хайх арга зам тун удахгүй эрс өөр болох бололтой.

Bing-тэй төстэй жишээнүүдийг Google-н Bard ч мөн хийж чадна гэдгийг танилцуулгын үеэр харуулсан нь: Оскарт нэр дэвшсэн 2 киног харьцуулж, найзынхаа хүүхдийн угаалгад оролцохын тулд юу бэлтгэх ёстойг хайх гэх мэт үйлдлүүд хийж үзүүлжээ.

Энэ бүх зүйл маркетерүүдийн ажилд ямар өөрчлөлт авч ирэх бол? Мэдээж хайлтын системийн оновчлол тал дээр нэлээд өөрчлөлт гарч ирэх нь ойлгомжтой.