Мета шууд хязгаарлах биш харин таниулах чиглэлд түлхүү ажиллана

Мета дүрэм, журам зөрчсөн тохиолдолд шууд хязгаарлах биш харин таниулах чиглэлд түлхүү ажиллана

Бие даасан Хяналтын зөвлөлийнхөө зөвлөмжийн дагуу Мета компани зөрчил бүхий пост нийтлэсэн хэрэглэгчийн эрхийг хязгаарлах биш харин уг пост яагаад, ямар дүрэм, журам зөрчсөн болохыг тайлбарлах байдлаар зөрчлийн шийтгэлийн арга барилаа өөрчлөх гэнэ.

Мета-гийн тайлбарласнаар:

“Уг шинэчлэл нэвтэрснээр бид пост хийх боломжийг нь хязгаарлахын оронд хүмүүст дахин ийм төрлийн зөрчил гаргахаас урьдчилан сэргийлэхэд нь илүү анхаарч, тэдний пост ямар зөрчил гаргасан болохыг тайлбарлаж, таниулахад анхаарлаа хандуулах болно. Бид тухайн хэрэглэгчид яагаад постыг нь устгасан талаар хангалттай ойлголт өгөх анхааруулга, тайлбар өгсөний дараа л (ихэвчлэн долоо дахь зөрчлөөс эхлэн) давтан зөрчил гаргаж байгаа хүмүүст хязгаарлалт тавих байдлаар ажиллах болно."

“Манай хэрэглэгчид дийлэнх нь ямар нэг байдлаар буруу санаа агуулаагүй байдаг. Статистикаас харахад хүмүүсийн ихэнх нь яагаад, ямар алдаа хийснээс болоод "Facebook хязгаарлалт”-нд өртсөн болохоо ч мэдээгүй байдаг. Бидний хийсэн судалгаагаар сануулга авсан хүмүүсийн 80% нь бодлогын зөрчил дахин гаргаагүй болохыг тогтоосон."

Зөрчлийнх нь талаар тайлбарлаж таниулах нь мэдээж хэрэгтэй. Хүмүүс ямар дүрэм, журмыг зөрчсөнөө мэдэхгүй бол уг зөрчлийг дахин гаргах магадлал нэмэгдэнэ. Харин тайлбар, анхааруулга өгсөний дараа хүмүүс нөхцөл байдлыг бүрэн ойлгох боломжтой болно. Энэ нь зөрчлийг бууруулах нь мэдээж.

Дэлгэрэнгүйг эндээс.

Хиймэл оюун ухааны эрин үе маркетингт?

Microsoft ChatGPT-тэй хамтарсан бүтээгдэхүүн гаргах болсноос гадна Google өөрийн гэсэн Bard хэмээн нэрлэгдсэн хиймэл оюун ухаан ашигласан чатбот гаргахаа мэдэгдсэн.

Эдгээрээс гадна бизнесийн байгууллагууд, брэндүүд, маркетингийн агентлагууд ч хиймэл оюун ухаанд анхаарал хандуулахаа ээлж дараалан мэдэгдсээр…

Дэлхийн хамгийн том зар сурталчилгааны агентлагуудын нэг болох WPP-н гүйцэтгэх захирал Марк Рид хиймэл оюун ухаан бол манай бизнест “хамгаас чухал” хэмээн тодорхойлоод, тэд хиймэл оюун ухааныг үр бүтээмжээ нэмэгдүүлэх, зардлаа бууруулахад ашиглаж байгаагаа мэдэгдсэн байна. Тэрээр хиймэл оюун ухаан нь бүтээлч байдлыг орлох боломжгүй ч, тус болно гэж үзэж байгаагаа ч дурьдсан байна.

WPP-н үйлчлүүлэгчдийн нэг Coca-Cola саяхан менежментийн зөвлөх фирм Bain & Company болон OpenAI-тай хамтран AI ашиглан маркетингийн процессын сайжруулалт тал дээр ажиллах болно гэж мэдэгдсэн байна.

Spectrum-н зар сурталчилгааны хэсэг хиймэл оюун ухаанаар бүтээсэн дуу хоолой ашиглах гэх мэт функц бүхий зар сурталчилгаа хийх боломжтой видео платформ эхлүүлж байгаагаа зарласан. Түүнээс гадна:

• Snapchat ChatGPT-ээр ажилладаг AI чатбот гаргасан.

• Havas, Horizon, DBB зэрэг томоохон агентлагууд хиймэл оюун ухаанд хөрөнгө оруулалт хийж байгаагаа мэдэгдсэн.

• Spotify хиймэл оюун ухаан ашиглах DJ зах зээлд танилцуулсан.

• Patron Tequila "Мөрөөдлийн Маргарита" хэмээх AI art бүтээгч гаргалаа.

Ийм байдлаар хиймэл оюун ухааныг маркетингт ашиглах байгууллага, брэндийн жагсаалт өдрөөс өдөрт нэмэгдсээр.

Маркетерүүдэд зориулсан брэндинг, зар сурталчилгаа, зах зээлийн судалгаа гэх мэт чиглэлийн маш олон үнэгүй онлайн сургалтууд байдаг. Хамгийн шилдэгүүдээс нь жагсаавал:

1. Coursera: Coursera-гаас дэлхийн нэр хүндтэй их, дээд сургуулиудын санал болгодог маркетингийн шинжилгээ, дижитал маркетинг, маркетингийн стратеги гэх мэт хөтөлбөрүүдээс сонгон үнэгүй суралцах боломжтой.

2. edX: edX маркетингийн үндэс, брэндинг, маркетингийн судалгаа гэх мэт чиглэлээр шилдэг их, дээд сургуулиудын маркетингийн сургалтуудаас үнэгүй суралцах боломж олгодог.

3. HubSpot Academy: HubSpot Academy инбаунд маркетинг, имэйл маркетинг, контент маркетинг гэх мэт олон төрлийн маркетингийн сургалтуудыг үнэгүй санал болгодог. Сургалтуудыг нь салбартаа нэр хүнд бүхий мэргэжилтнүүд удирдан явуулахаас гадна видео хичээлүүд, сонжоо, шалгалтуудтай бөгөөд сертификат олгодог.

4. Google Digital Garage: Google ч мөн адил үнэгүй онлайн сургалтуудыг хайлтын системийн оновчлол, сошиал медиа, маркетингийн шинжилгээ гэх мэт дижитал маркетингийн төрөл бүрийн сэдвүүдээр санал болгодог.

5. Alison: Alison дижитал маркетинг, сошиал медиа маркетинг, брэндингийн чиглэлээр үнэгүй маркетингийн хөтөлбөрүүдийг эндээс сонгон суралцах боломжтой.

6. Skillshare: Skillshare үнэгүй болоод төлбөртэй маркетингийн сургалтууд энд бий. Жишээ нь сошиал медиа маркетинг, контент маркетинг, имэйл маркетинг гэх мэт.

Дээрх сургалтууд танд маркетингийн мэдлэг, чадвараа дээшлүүлэх, ажил болоод мэргэжилдээ өсч дэвжихэд тус болох нь дамжиггүй. Гэхдээ яг өөрийн сонирхол болоод мэргэжлийн чиглэлээ олж сонгон суралцах нь чухал шүү.