Facebook-т ямар пост хамгийн олон хүнд хүрдэг вэ?

Facebook-т ямар пост хамгийн олон хүнд хүрдэг вэ?

Метагийн Ил тод байдлын төвөөс улирал тутмын хамгийн их хүртээмжтэй контентийн тайлан гаргадаг. Энэ 7 хоногт 2022 оны 4-р улирлын тайлан гарсан байна.

WVCR (widely viewed content report) нь Facebook Feed дээрх нийт контентийн хүртээмжийн талаарх мэдээллийг зөвхөн АНУ-гийн мэдээлэлд үндэслэн гаргадаг юм байна. (Хэдийгээр Монгол дахь хэрэглэгчдийн хувьд тайланд тусгагдаагүй ч, тодорхой хэмжээнд Facebook алгоритмын талаарх ойлголтыг маркетерүүдэд өгөх байх гэж найдаж байна.)

Тайланд тусгаснаар АНУ дахь дундаж хэрэглэгчийн Facebook Feed дараах төрлийн мэдээллүүдээс бүрддэг гэнэ:

• Найзуудын пост 32.0%

• Найзуудын share (профайл, хуудас гэх мэт бусад эх сурвалжаас) хийсэн контент 18.7%

• Метагийн санал болгож буй контент 16.8%

• Группт хийгдсэн пост 15.6%

• Дагасан Facebook хуудсуудын постууд 8.2%

• Эвэнт гэх мэт бусад контент 8.7%

Өнгөрсөн оны 4 дүгээр улирлын байдлаар АНУ дахь хэрэглэгчдийн хувьд Feed-н хамгийн түгээмэл контент нь вэб линк холбоосгүй, найз нөхдийн эсвэл өөрийн нэгдсэн группуудэд нийтлэгдсэн постууд юм байна.

Нөгөө талаас Facebook-н зүгээс санал болгодог постуудын хувьд хэрэглэгчийн Feed дэх нийт контентийн 16,8%-г эзлэх болсныг анзаарахгүй өнгөрч болох нь.

Мөн хүмүүст хүрсэн постуудын 92.5% нь Facebook-с бусад вэбийн холбоос агуулаагүй байдаг юм байна. Ердөө 7.5% нь л бусад вэбийн линктэй пост гэсэн үг.

Тэгэхээр Facebook бусад вэбийн холбоос, линк агуулсан постын хүртээмжийг хязгаарлах хязгаарлалтаа үргэлжлүүлсээр байгааг дээрх статистикаас харж болно.

Тийм ч учраас бид өөрийн байгууллагын вэб хуудасны холбоос бүхий пост хийх бол шууд постын тайлбар хэсэгт биш харин эхний коммент хэсэгт оруулдаг болсон. Энэ нь ч илүү үр дүнтэй байдаг, та бүхэн ч туршаад үзэхэд илүүдэхгүй болов уу.