Facebook, Instagram ашиглахад төлбөртэй болох уу⁉️

Facebook, Instagram ашиглахад төлбөртэй болох уу?

Meta Verified⁉️ буюу баталгаажуулах тэмдэг төлбөртэй болох уу?

Та өөрийн Facebook, Instagram хаяг (одоогоор Facebook page дээр боломжгүй) дээрээ албан ёсны бичиг баримтаа (иргэний үнэмлэх гэх мэт) ашиглан, ☑️цэнхэр баталгаажуулалтын тэмдэг төлбөр төлөөд авч болдог болох нь.

Цэнхэр тэмдэгээс гадна бас тодорхой нэмэлт давуу талуудтай. Үнийн хувьд Твиттерийн Blue-гээс арай үнэтэй. Вэб дээрээс авбал сард $11.99, iOS дээр $14.99. Гэхдээ сурталчилгаа үздэг хэвээр. Ийм үнээр та цэнхэр тэмдэг авах уу? Авах бол яагаад?

Meta Verified хэмээх энэ үйлчилгээ нь Австрали, Шинэ Зеланд зэрэг улсуудад нэвтэрч эхэлсэн гэнэ. Харин та энд дараад баталгаажуулах тэмдэг авах хүсэлтээ гаргах боломжтой.

Зукерберг захирал Meta Verified-н тухай Instagram дээрх цоо шинэ Broadcast Channel дээрээ зарласан. Энэхүү channel нь нийтэд нээлттэй мэдээллийн суваг бөгөөд доорх линкээр (зөвхөн гар утаснаас) хандаад л та шинэ мэдээ, мэдээлэл хүлээж авах боломжтой юм байна. https://ig.me/j/AbZ19cL4AVphbig9/

Мөн Инстаграмын Адам Моссери захирал ч IG шинэчлэлүүдийнхээ талаарх мэдээлэл хуваалцаж байх Broadcast Channel нээсэн байна: https://ig.me/j/AbZTKoOURuXfh8e4/

Маркетерүүдэд зайлшгүй хэрэгтэй онлайн үнэгүй багаж хэрэгсэлүүд

Маркетингийн кампанит ажлаа удирдах, контент бүтээх, үр дүнгийн шинжилгээ хийх гэх мэт ажилд тань тус болох маш олон төрлийн багаж хэрэгслүүдээс сонгон ашиглах боломж маркетерүүдэд нээлттэй байдаг. Хамгийн шилдэг бас үнэгүй онлайн хэрэгслүүдээс танд хүргэж байна:

1. Google Analytics: Google Analytics вэбийн хандалт, уншигч, хэрэглэгчдийн талаарх мэдээлэл хэрэгтэй бол хамгийн хэрэгтэй үнэгүй хэрэгсэл.

2. Mailchimp: Mailchimp имэйл маркетингийн үнэгүй багц санал болгодог бөгөөд 2000 хүртлэх тооны хэрэглэгдэд имэйл илгээх боломжтой.

3. HubSpot CRM: HubSpot CRM ашиглан харилцагч, сэжмийн удирдлага, борлуулалтын процессоо автоматжуулах боломжтой. Мөн л үнэгүй ашиглаж болно.

4. Canva: Canva онлайн график дизайны үнэгүй апп бөгөөд өндөр чанар бүхий маркетингийн материалууд, сошиал медиа постууд хийх бол танд яг хэрэгтэй зүйл.

5. SurveyMonkey: SurveyMonkey 10 хүртлэх асуулт бүхий судалгаа үүсгэн, хэрэглэгчдэд хүргэж, үр дүнг нь харах боломж бүхий үнэгүй багцтай.

6. Google Trends: Google Trends танд тодорхой хайлтын цаг хугацааны трэндийг харах боломж олгох болно.

7. SEMrush: SEMrush вэб хуудасныхаа хандалт, үр дүн, өрсөлдөгчдийн судалгаа, хайлтын түлхүүр үгийн судалгаа хийх боломж бүхий үнэгүй багцтай.

Эдгээр онлайн үнэгүй багаж хэрэгслүүдээс өөрийн хэрэгцээ, шаардлагад нийцүүлэн сонгож, үр дүнтэй ашиглавао маркетингийн үр өгөөжийг дээшлүүлэх, цаг хэмнэх зэрэг давуу талууд нь мэдээж.