- Marketing Newsletter
- Posts
- ChatGPT-тэй 2 жил 🚀
In partnership with
In partnership with
2 жилийн ойн мэнд ChatGPT!
Та бид хиймэл оюун ухааныг “бидний амьдралыг илүү амар хялбар, сайн сайхан болгон өөрчлөх шилдэг нээлт” эсвэл “хүний соёл иргэншлийг сүйрүүлэх аюул” гэж үздэг аль нь ч байсан ялгаагүй ганц зүйл тодорхой байгаа нь одоохондоо төгс болж амжаагүй байгаа гэдгийг л бид бүгд мэдэж байгаа.
Гэхдээ өнгөрсөн 2 жил хиймэл оюун ухаан гэдэг зүйлтэй маш олон хүнийг тодорхой хэмжээнд танилцуулсан гэдэгтэй бол санал нэгдэж байгаа биз дээ?
Өнгөрсөн 2 жилийн хугацаанд ChatGPT-г хэн, хэрхэн хэрэглэж байгаа бол? Та маркетингийн төлөвлөгөө, шинэ санаа, аргачлалын талаарх асуултаа ChatGPT-с асуудаг уу, бид бол байнга шүү дээ 😊
ChatGPT ба бусад
ChatGPT яг 2 жилийн өмнө (2022 оны 11 сарын 30-нд) нээлтээ хийсэн өдрөөсөө ердөө 5 хоногийн дотор л 1 сая хэрэглэгчтэй болж байсан бол одоо 200 сая хүн тогтмол хэрэглэдэг болжээ. Арай ч "Google"-дэх гэдэг шиг нийтийн хэрэглээний үйл үг болж амжаагүй ч, анхдагч байж шуурхай, найдвартай, цогц мэдээлэл өгдөг ухаалаг туслах болж чадсанаараа технологийн ертөнцөд бүрэн шинэчлэлт авч ирсэн гэхэд буруудахгүй.
ChatGPT-н амжилт технологийн салбарын томчуудыг ч хөдөлгөөнд оруулаад амжсан. Түүний араас Google-н Gemini, Anthropic-н Claude, Meta-н Llama, Microsoft-н Copilot гээд маш олон AI чатботууд гарч ирсэн. Аа тийм X-н төлбөртэй хэрэглэгчид ашиглах боломжтой Grok ч бас байна.
Харин хүмүүс өдөр тутмын ажилдаа хэр ашигладаг бол?
ChatGPT, Microsoft Copilot гэх мэт хиймэл оюун ухааны хэрэгслүүдийг өдөр тутмын ажлынхаа нэг хэсэг болгон ашигладаг "супер хэрэглэгчид" Вашингтон Постын судалгаагаар, ажлын цагаасаа 15 цаг хүртэл хугацааг хэмнэж чадсан гэж хариулсан гэнэ.
Бага, багаар ахьсаар. Хамгийн сүүлийн үеийн Gallup судалгаагаар ажиллагсдын ердөө 4% нь өдөр бүр ажил дээрээ “large language” моделиудын аль нэгийг ашигладаг гэсэн бол 67% нь хэзээ ч ашиглаж байгаагүй гэж хариулсан байна. Түүнчлэн:
Цагаан захтнууд хамгийн ихээр буюу тэдний 15% нь 7 хоног бүр хиймэл оюун ухааны хэрэгслүүдээс ажилдаа ашигладаг. Харин тэдний 54% нь ажилдаа ашиглаж байгаагүй гэсэн бол аж үйлдвэрлэлийн салбарынхны 81% нь ийм хариу хэлжээ.
Ашиглалт бага байгаа шалтгаануудын 1 нь ажлын байран дээр хиймэл оюун ухаан ашиглах бодлого тодорхой биш байгаагаас шалтгаалж байх магадлалтай гэнэ. Цагаан захтнуудын 60%, нийт ажиллагсдын 70% нь тэдний байгууллагад хиймэл оюун ухааны ашиглалтын талаарх тодорхой бодлого байдаггүй гэж хариулсан байна.
Gen Z үеийнхэн хиймэл оюун ухаанд дуртай
Хамгийн супер хэрэглэгчид нь AI чатботыг мэдээлэлд шинжилгээ хийх, аудио мэдээллийг буулгах, тэмдэглэл хөтлөх, Excel томъёо заалгах, тренд репорт гаргах, үг үсгийн алдаа засах, видео текст хадмал бэлтгэх, болон бусад ажлуудад ашигладаг юм байна. Өнгөрсөн 7 хоногт нийтлэгдсэн Google Workspace-н судалгаагаар залуус илүүтэйгээр хиймэл оюун ухаанд дурлагсад болсон гэнэ:
Судалгаанд хамрагдсан Z үеийнхний 93% нь DALL-E, Otter.ai гэх мэт хиймэл оюун ухааны хэрэгслүүдээс багадаа 2-г 7 хоног бүр ашигладаг гэсэн бол millennials-хны 79% нь ийм хариу өгчээ.
Судалгаанд хамрагдсан Z үеийнхний 88% нь томоохон төслүүдийг эхлэхдээ хиймэл оюун ухаанд ханддаг гэж хариулжээ.
Анхааруулга: AI-н мэргэжилтнүүд аюулгүй байдлын хамгаалалтын шаардлага бүрэн хангаж амжаагүй AI хэрэгслүүдтэй нууц мэдээллээ хуваалцахгүй байхыг анхааруулж байна. Нөгөөтэйгүүр ботууд алдаа гаргах, буруу зөрүү мэдээлэл, заавар өгөх эрсдэлийг бууруулахын тулд мэргэжилтнүүд өгсөн хариуг нь шууд ашиглахаасаа өмнө ботуудаас тодруулга, шалгах асуултууд асуудаг гэнэ шүү. Бас шалгадаг байх нь мэдүүштэй л юм.
Дараагийн хохирогч нь Гүүгл болох уу?
Өнгөрсөн 8-р сард хууль бусаар онлайн хайлтын монополь эрх мэдлийг хадгалсан гэсэн шийдвэрийг АНУ-н Хууль, зүйн яамнаас гаргаснаар Google-н хайлтын зах зээл дээрх ноёрхол дуусч магадгүй гэдэг таамаглал гарах болсон. Уг шийдвэрийн дагуу Гүүгл “Chrome” интернэт хөтөчөө зарах шаардлагатай тулгарч байгаа нь 2 их наяд ам.долларын зах зээлийн хамгийн том тоглогчийг суудлаас зайлуулах замыг нь засах болно гэж мэргэжилтнүүд үзэж байгаа юм байна.
Хайлтын зах зээлд ChatGPT: Анх болChatGPT текст хариу өгч чаддаг ч вэбээс шууд мэдээлэл авч чаддаггүй байсан. Харин өнгөрөгч 10-р сард OpenAI ChatGPT Search-г танилцуулснаар хүмүүсийн Google-с асуудаг асуултуудад харилцан ярианы хэлбэртэй ч эх үүсвэрийн холбоосыг нь багтаасан хариу өгдөг болсон. Мета ч иймэрхүү бүтээгдэхүүн гаргахаар ажиллаж байгаа бол Perplexity-н хиймэл оюун ухаанаар ажилладаг хайлтын систем нь шоппинг хийхээр хайж буй хүмүүсийн хамгийн тэргүүний сонголт аль хэдийнэ болчихсон гэнэ.
Google тэргүүлсэн хэвээр: ChatGPT анх танилцуулагдснаас хойш 2 жилийн хугацаанд Google-н толгой компани Alphabet-н орлого тасралтгүй нэмэгдсээр байгаа бөгөөд ямарваа нэг асуудалтай зүйл ажиглагдахгүй л байгааг мэргэжилтнүүд онцолсоор...
ЭНЭ ДУГААРЫН СПОНСОР: Bill.com
Easy. Smart. Seamless. 👇
Get Your Team Booked on 3.8 Million Podcasts Automatically
It's 2025. Want to finally be a regular podcast guest in your industry? PodPitch will make it happen. Even the beehiiv team uses it!
The best way to advertise isn't Meta or Google – it's appearing on podcasts your customers love.
PodPitch.com automates thousands of weekly emails for you, pitching your team as ideal guests.
Big brands like Feastables use PodPitch.com instead of expensive PR agencies.
ChatGPT: Холбоотой мэдээлэл
ЭНЭ ДУГААРЫН СПОНСОР: The Rundown AI
AI-н талаарх мэдээллийг өдөр бүр 5 минутанд 👇
2025 Prediction: A Surge of Self-Serve CTV Buyers
Roku predicts 2025 will be a big year for self-serve CTV
Roku Ads Manager makes CTV advertising easy
Target your audience, optimize campaigns, and drive performance
50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot