2025 онд маркетингийн өндөр өгөөж өгөх трендүүд 🚀

2025 он гарахад 26 хоног л үлджээ! Ирэх оны төлөвлөгөөгөө гаргачихсан уу?

Ирэх оны маркетингийн голлох трендийн талаарх мэдээллүүдтэй танилцаж байгаа байх. Онцлох чиг хандлагын хувьд хиймэл оюун ухаан, цоо шинэ маркетингийн трендүүдийг илүүтэй дурьдаж байх шиг, харин энэ удаад ирэх 2025 онд бизнест өндөр өгөөж өгөх тэр бүр дурьдагдахгүй байгаа чиг хандлагын талаар ярилцвал ямар вэ?

Бид өмнө нь “2025 оны сошиал медиа тэргүүлэх чиг хандлага” мэдээлэл бэлтгэн хүргэснийг мөн эргэж хараарай.

1. Имэйл маркетинг хамгийн өндөр өгөөж бүхий маркетингийн суваг байсаар байх болно

Сошиал медиа платформууд, онлайн хайлтын систем гэх мэт маркетингийн сувгуудын хувьд нэг зайлшгүй анхаарах ёстой асуудал бий. Тэр нь алгоритм яаж ч өөрчлөгдөж магадгүй, нөгөө талаас танай сошиал хаягийг гэнэт л хаах шийдвэр гаргавал яах вэ? Нэг шөнийн дотор л хүртээмж байхгүй болно. Өөрөөр хэлбэл 100% таны мэдлийн маркетингийн суваг биш гэсэн үг.

Дээрээс нь сошиал медиа алгоритмууд танай контентыг хэнд, хэзээ хүргэхээ шийддэг, энэ утгаараа бидний нийтлэж буй контентуудын органик хүртээмж бидний хяналтаас гадна байдаг, тэгээд ч байнга буурсаар ирсэн шүү дээ.

Үүний эсрэг авах хамгийн үр дүнтэй арга хэмжээ бол өөрийн гэсэн уншигчидтай “Email Newsletter - Имэйл мэдээллийн товхимол”-той болох, тэдэнд тогтмол хэрэгтэй мэдээлэл илгээх.

Email Newsletter-н бас нэг давуу тал нь зардал маш бага, бодит зардал гэвэл контент мэдээлэл бэлтгэх, түүнийг түгээх имэйл маркетингийн програм хангамжийн зардал л болно.

Доор 5 сая гаруй сошиал медиа дагагчтай контент бүтээгчид ихэнх борлуулалтаа email newsletter-ээрээ дамжуулан хийсэн гэсэн мэдээллийг жишээ болгон орууллаа.

Ер нь имэйл жагсаалт хамгийн үнэ цэнтэй гэдгийг онлайн контент бүтээгчид аль хэдийнэ маш сайн ойлгочихсон байдаг. Жишээлбэл, Жорж Блэкман хэмээх контент бүтээгч кино зохиол бичих онлайн курсээ ердөө 2600 имэйл захиалагч, 7000 Twitter дагагчтай эхлүүлсэн. Үр дүн нь 48 цагийн дотор бараг 70,000 долларын орлого олсон жишээ байна.

Тэгэхээр бид 2025 онд юу хийх ёстой вэ?

Хэрэв та имэйл маркетинг өмнө хийж үзсэн, үр дүнгээ өгөөгүй, дэмий зүйл шиг санагдсан бол асуудал нь контентын агуулга тань хүмүүсийн сонирхлыг хангалттай татахгүй байсан байх магадал өндөр.

Justin Welsh хэмээх энэ эрхэм өөрийн имэйл newsletter-ээ ашиглан сая, сая долларын орлого олсон бөгөөд түүнийхээр хүмүүсийн сонирхлыг татахуйц имэйлийг дараах байдлаар бичих ёстой гэнэ.

Та имэйл товхимол эхлүүлж байгаа бол сошиал медиа дээр дараагийн дугаарт ямар мэдээлэл хүргэх гэж байгаагаа сонирхолтой байдлаар танилцуулж болно. Фитнесс дасгалжуулагч Dan Go-гийн постын жишээг доор харуулав. Маргаашийнх нь имэйлийг уншмаар санагдаж байгаа биз?

2. Контент маркетингт туршлага, ур чадвар хамгаас чухал байх болно

Хэдийгээр ChatGPT-с ихэнх анхан шатны мэдээллийг авах боломжтой болсон ч хиймэл оюун ухааны бэлтгэн өгч буй мэдээлэлд бүгдэд нь шууд итгэнэ гэдэг асуудалтай. Зарим алдаа, мадагтай мэдээллээс нь шалтгаалаад AI-д эргэлзэх хүмүүс мундахгүй их байсаар л байна.

Тэгэхээр бид контентоо илүү итгэл төрүүлэхүйц, үнэ цэнтэй болгож чадвал AI-с ялгарах гол давуу тал болохоор байгаа биз? Шийдэл нь контент бэлтгэхдээ мэргэжилтнүүдийн санал, бодол, бодит туршлагаас хуваалцах явдал гэнэ шүү.

2 жилийн өмнө Google контентын чанарын үнэлгээний гарын авлагаа шинэчлэн “E-A-T” (Expertise-Authoritativeness-Trustworthy) дээрээ "Experience буюу Туршлага" гэсэн утга бүхий "E" үсэг нэмэн “E-E-A-T” болгосон.

Өөрөөр хэлбэл Google хайлтын үр дүнд дээгүүр байрлахын тулд таны бэлтгэсэн контент уг сэдвээр мэргэшсэн мэргэжилтэн бэлтгэсэн эсэх, уг сэдвээр мэдээлэл өгөх баталгаат эх үүсвэр мөн эсэх, итгэл даах, үнэн зөв мэдээлэл мөн эсэх гэсэн шалгуурууд дээр нэмээд бодит туршлага агуулсан эсэх нь чухал болсон гэсэн үг.

E-E-A-T-д ээлтэй контент бэлтгэдэг байгууллагуудын шилдэг жишээнд Ahrefs-г нэрлэж болно. Яагаад гэхээр тэд контент бүрдээ дараах зүйлсийг багтаасан байдаг:

• Нэгдүгээрт, тэд бэлтгэсэн контентууддаа бодит мэргэжилтнүүдийн хэлсэн үг, эшлэлийг оруулдаг.

• Мөн тэд өөрсдөө бодит туршилт хийж, түүнийхээ үр дүнгээс хуваалцдаг.

  

Тэгэхээр бид 2025 онд юу хийх ёстой вэ?

Бэлтгэж буй контентууддаа туршлага, туршилтын үр дүнг аль болох багтаах хэрэгтэй болох нь. Үүний тулд:

• Салбарын тэргүүлэх мэргэжилтнүүдийн санаа бодлыг тусгахаар тэдэнтэй холбоо тогтоо.

• Case study, бодит туршлагаас хуваалц.

• Тодорхой сэдвээр мэргэжилтнүүдтэй ярилцлага хий, ярилцлагаа тухайн сэдвийн талаарх мэдээлэлтэй нэгтгэн, блог нийтлэл, сошиал медиа контент болгон бэлтгэ.

ЭНЭ ДУГААРЫН СПОНСОР: AI Tool Report

AI-н талаарх мэдээллийг өдөр бүр 5 минутанд 👇

There’s a reason 400,000 professionals read this daily.

Join The AI Report, trusted by 400,000+ professionals at Google, Microsoft, and OpenAI. Get daily insights, tools, and strategies to master practical AI skills that drive results.

Sign up now for free and work smarter, not harder.

3. Урт видео чухал болно

Бизнесийн байгууллагууд, маркетерүүд буцаад урт видео контент бэлтгээд эхэлжээ, учир нь үзэгчидтэйгээ илүү нягт харилцаа тогтоох боломжтойгоос гадна бодит хүмүүсийг харж, дуу хоолойг нь сонсож чаддаг гэнэ.

Мэдээж нягт харилцаа нь борлуулалт руу чиглүүлнэ гэсэн үг.

Үүнтэй холбоотойгоор “YouTube agency” гэдэг нэр томъёо ч сүүлийн үед эрчээ аваад эхэлчихсэн.

Social Media Examiner-н судалгаагаар маркетеруудын 66% нь YouTube видеог илүү ихээр ашиглахаар төлөвлөж гэж хариулсан. “Content Marketing Institute“-с гаргасан судалгаагаар мөн л маркетерууд YouTube-г LinkedIn-н дараа 2-т орох хамгийн үр дүнтэй контент маркетингийн платформоор шалгаруулжээ.

Carry хэмээх бизнес эрхлэгчдэд тэтгэврийнэ санд зориулан хуримтлал үүсгэхэд нь тусалдаг програм хангамж, үйлчилгээний компани үнэгүй, онлайн сургалтууд санал болгодог. Доор жишээ болгон бизнес эрхлэгчдэд зориулсан татварын анхан шатны үнэгүй сургалтын мэдээллийг орууллаа.

Дээр мөн дурьдсан Dan Go жилийн өмнөөс YouTube дээр видеонууд оруулж эхэлсэн бөгөөд одоо 157,000 гаруй дагагчидтай болжээ.

Тэгэхээр бид 2025 онд юу хийх ёстой вэ?

Мэдээж видео контент хийж эхэл. Эхлэх хэд хэдэн аргыг мэргэжилтнүүд санал болгодог юм билээ:

• YouTube суваг нээ, 7 хоногт хамгийн багадаа 1 видео тогтмол пост хийх.

• Онлайн сургалт бэлтгээд тохирсон зах зээлд санал болгох.

• Эсвэл YouTube контент бүтээгчидтэй хамтран ажиллах.

Хувиараа бизнес эрхлэгч бол та өөрөө, бизнесийн байгууллага бол салбарын тэргүүлэх мэргэжилтнүүдтэй хамтран ажиллаж болно. Эсвэл байгууллага дээрээ 7 хоног бүр видео бэлтгэдэг 1 контент бүтээгчтэй болсон ч болно. Байгууллагууд энэ аргыг их үр дүнтэй ашигладаг юм билээ.

ЭНЭ ДУГААРЫН СПОНСОР: The Rundown AI

AI өдөр бүр 👇

Stay up-to-date with AI

The Rundown is the most trusted AI newsletter in the world, with 1,000,000+ readers and exclusive interviews with AI leaders like Mark Zuckerberg, Demis Hassibis, Mustafa Suleyman, and more.

Their expert research team spends all day learning what’s new in AI and talking with industry experts, then distills the most important developments into one free email every morning.

Plus, complete the quiz after signing up and they’ll recommend the best AI tools, guides, and courses – tailored to your needs.

Sign up to start learning.

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot