AI маркетингийн ажлын үр дүнг хэрхэн нэмэгдүүлж чадах вэ 🚀

Bluesky вэб рүү чиглүүлсэн урсгалаар X, Threads 2-г ардаа орхиж, Facebook “Traffic” төрлийн сурталчилгаанд өөрчлөлт оруулжээ

Bluesky гэж сонссон уу?

Шинэхэн сошиал медиа платформыг сүүлийн үед хүн болгон л ярьж байна даа.

Bluesky хэмээх шинэхэн сошиал медиа платформ, зарим талаараа X-н хуулбар бас өрсөлдөгч гэгдэж байгаа бөгөөд хэрэглэгчийн тооны хурдтай өсөлтөөс гадна мэдээллийн сайтуудын хувьд вэб рүү чиглэсэн урсгалыг X-с илүүтэй илгээж байгаа гэнэ.

Лавтай л, The Guardian сэтгүүл Bluesky дээр аккаунтаа нээсэн эхний 7 хоногтоо X-с 2024 оны аль ч 7 хоногт ирээгүй их хандалтыг авч ирсэн гэнэ.

Аа бас болоогүй, Threads-тэй харьцуулахад 2 дахин их хандалт, 4.5 дахин их conversion ирсэн гэсэн шүү.

Мэдээж, энэхүү статистик нэг л байгууллагын хувьд шүү дээ. Бусад хэрэглэгчдийн хувьд байдал өөр байж магадгүй. Харин гол асуудал нь ийм органик урсгал хэр удаан үргэлжлэх бол?

Facebook сурталчилгааны өөрчлөлт

Facebook Traffic төрлийн сурталчилгааг үүсгэхэд Facebook хуудас, Instagram аккаунт аль аль руу нь холбох боломжтой болжээ.

Өмнө нь зөвхөн Instagram аккаунт руу хүмүүсийг чиглүүлэх боломжтой байсан.

Вэб хуудасгүй байгууллагуудын хувьд эсвэл шинээр Facebook хуудас эхлүүлсэн бол энэ шинэ өөрчлөлт хэрэг болохоор л харагдаж байна.

ChatGPT Pro сард 200$

OpenAI ChatGPT o1 цоо шинэ, ухаалаг моделио танилцууллаа. Тэднийхээр бол энэ нь дэлхий дээрх хамгийн ухаалаг хиймэл оюун ухаан юм байна. Бас ChatGPT Pro хувилбар гаргасан бөгөөд сард 200$-н төлбөртэй гэнэ. 12 Days of OpenAI эндээс шинэ жил угтсан шинэчлэлт, өөрчлөлтүүдийн мэдээлэл аваарай. Өнөөдөр 3 дахь өдрийнх нь бэлэг задрах юм байна.

Үргэлжлэл доош гүйлгээд 👇

ЭНЭ ДУГААРЫН СПОНСОР: The Rundown AI

AI-н талаарх мэдээллийг өдөр бүр 5 минутанд 👇

Learn AI in 5 minutes a day

This is the easiest way for a busy person wanting to learn AI in as little time as possible:

1. Sign up for The Rundown AI newsletter

2. They send you 5-minute email updates on the latest AI news and how to use it

3. You learn how to become 2x more productive by leveraging AI

Sign up to start learning.

AI маркетингийн ажлын өгөөжийг дээшлүүлэхэд хэрхэн тус болох вэ?

Хиймэл оюун ухааны хэрэгслүүд хүмүүсийн өдөр тутмын ажилд маш олон байдлаар хэрэг болж байгаа нь лавтай. Харин маркетингийн тодорхой ажлуудад хэрхэн туслаж, маркетингийн ажлын өгөөжийг нь нэмэгдүүлж чадах бол? Хэдхэн жишээг дор дурьдав. 2025 он хиймэл оюун ухааны жил болно шүү.

Сошиал медиа маркетинг:

• Контентын санаа гаргах: Одоо ихэнх сошиал медиа маркетингийн хэрэгслүүд постын санаа оруулахад л постын эхний хувилбарыг бэлтгэж өгдөг болчихсон. Buffer-н AI туслах үүний тод жишээ.

• Сошиал медиа пост төлөвлөлт: Сошиал медиа постоо урьдчилан цаг хугацааг нь тохируулан төлөвлөх үед хиймэл оюун ухааны хэрэгслүүд хэзээ нийтлэвэл хамгийн өндөр оролцоотой байх гэх мэт пост нийтлэх тохиромжтой цагийг сонгоход хэрэгтэй мэдээллийг гаргаж өгч чаддаг болсон.

• Hashtag үүсгэх: AI бидэнд ямар #hashtag ашиглавал зохимжтой болохыг хялбархан гаргаад өгнө.

Имэйл маркетинг:

• Имэйл илгээх цагийг оновчлох: AI имэйлээ хэзээ илгээвэл хамгийн өндөр үр дүнтэйг өмнөх датанд дүн шинжилгээ хийж, оновчтой гаргаж ирэх боломжтой.

• A/B тест: Нүүр зураг, гарчиг, имэйлийн загвар, тэр ч байтугай имэйлийнхээ агуулгыг ч туршиж үзэх боломжыг AI хэрэгслүүд олгодог болсон.

• Хялбар бас оновчтой сегментчилэл: AI ашиглан хэрэглэгчдийн тодорхой үйлдэл дээр үндэслэн сегментчилэл хийх боломжтой.

Сурталчилгааны оновчлол:

• Зорилтот хэрэглэгч сонголтонд туслах: AI хамгийн тохиромжтой зорилтот сегментийг төрөл бүрийн хэрэглэгчийн сегментүүд, өмнөх сурталчилгааны өгөгдөлд дүн шинжилгээ хийх замаар гаргаж өгч чадна.

• A/B тест хийх: AI ашиглан олон төрлийн A/B тестүүд хийж, үр дүнгийн мэдээлэлд дүн шинжилгээ хийх ажлыг хялбаршуулах боломжтой.

• Сурталчилгааны загвар, дизайн гаргах: Canva болон бусад ижил төрлийн хиймэл оюун ухааны хэрэгслийг ашиглан суртачилгааны кампанит ажлын санаа гаргах, дизайныг нь ч бүтээх боломжтой. Жишээ нь:

Контент болон Хайлтын системийн оновчлол:

• Ерөнхий агуулга, тойм гаргах: Та ямар ч сэдвээр мэдээлэл авахаар хүсэхэд, хиймэл оюун ухаан танд тухайн сэдвийн талаарх ерөнхий агуулга, тоймыг нь тэр дор нь гаргаад өгнө.

• Сайжруулалт, шинэчлэлт оруулах: Хуучин контентыг шинэчлэн, сайжруулах нь SEO-Хайлтын системийн оновчлолын заавал хийх ёстой ажлуудын нэг. Хиймэл оюун ухаанаар ажилладаг хэрэгслүүдээс асуувал шинээр нэмэх зүйлс, багтаах ёстой түлхүүр үг, өөрчлөх зүйлсийн талаарх зөвлөмж, мэдээллийг гаргаад өгчихнө шүү.

AI-г маркетингийн бүхий л талбарт ашиглах боломжтой ч шууд маркетерүүдийн ажлыг орлох гэхээсээ тэдний ажлын өгөөж, бүтээмжийг нэмэгдүүлэх ач тустай шүү.

ChatGPT: Холбоотой мэдээлэл

• ChatGPT-г сошиал медиа маркетингийн төлөвлөгөө гаргахад хэрхэн ашиглах вэ❓

• 🧑‍🚀️ ChatGPT-4o-Шинээр танилцуулсан GPT-4o-г харахад. 

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot