Facebook сурталчилгааны хязгаарлалт 2025 онд

FB, Instagram, LinkedIn-д хэзээ пост хийх нь хамгийн үр дүнтэй вэ

Author

Nathouse
17 Dec

In partnership with

Утаатай хийх тэмцэл онлайнаар л ид өрнөж буй дулаахан өвлийн өдрийн мэнд хүргэе!

Энэ удаад бид 2025 онд Facebook эрүүл мэнд, гоо сайханы салбарынхны сурталчилгаанд ямар хязгаарлалт тавих гэж байна? Сошиал медиад хэзээ пост хийх нь хамгийн тохиромжтой вэ? сэдвүүдээр мэдээлэл бэлтгэн хүргэж байна.

Facebook сурталчилгааны хязгаарлалт 2025 онд

Ирэх жилээс эхлэн Мета зарим сурталчилгаа эрхлэгчдийн эрүүл мэндтэй холбоотой мэдээлэлд нэвтрэх эрхийг хязгаарлахаар төлөвлөж байгаа бөгөөд энэ нь витамин, хүнсний нэмэлтээс эхлээд гоо сайхан, батга эмчлэх, ботокс тарилга зэрэг зүйлсийг сурталчилан борлуулдаг байгууллагуудын үйл ажиллагаанд нөлөөлж магадгүй бололтой.

Өнгөрсөн сард гаргасан Метагийн сурталчилгааны бодлогын шинэчлэгдсэн мэдээлэлд эрүүл мэнд, гоо сайхан, санхүүгийн үйлчилгээ, улс төр гэх мэт тодорхой ангилалд хамаарах мэдээлэлд сурталчилгаа эрхлэгчдийн хандалтыг хязгаарлах, бүрмөсөн хаах төлөвлөгөөг танилцуулжээ.

Энэ нь 2 жил шахамын өмнө Метагийн сурталчилгааны хэрэгслүүдийг ашигладаг зарим байгууллагууд хэрэглэгчдийн эрүүл мэндийн эмзэг мэдээллийг Facebook-тай хуваалцсан байх магадлалтай гэсэн асуудлаар АНУ-н засгийн газраас хийсэн шалгалтын мөрөөр хийгдэж байгаа өөрчлөлт бололтой.

Энэхүү өөрчлөлтийн үр дүнд сурталчилгаа эрхлэгчид худалдан авалт, онлайн дэлгүүрийн сагсандаа нэмсэн бараа, бүтээгдэхүүн гэх мэт хэрэглэгчдийн онлайн орчинд хийж буй үйлдлийн бүртгэлтэй холбоотой зарим төрлийн дата мэдээлэлд хандах боломжгүй болохоор харагдаж байна. Ингэснээр Meta-н хиймэл оюун ухаанд суурьласан сурталчилгааны хэрэгслүүдийн тусламжтайгаар боломжит худалдан авагчдыг онилон сурталчилгаагаа хүргэдэг бизнесийн байгууллагуудын хувьд хүндрэл дагуулж магадгүй юм байна.

Өөрөөр хэлбэл, эрүүл мэнд, гоо сайхан гэх мэт салбарын сурталчилгаа эрхлэгчдийн тодорхой хэсэг нь хэрэглэгчдийн мэдээлэл хангалттай биш байгаагаас шалтгаалан боломжит хэрэглэгчдэд хэрэглэгчдэд сурталчилгаагаа оновчтой хүргэхэд хялбар биш болох магадлалтай бололтой.

Одоогоор уг бодлогын шинэчлэлтийн хүрээ, нөлөөлөл ямар байх нь тодорхой биш байгаа бөгөөд шинэ мэдээлэл гарч ирэх бүрт бид мөн мэдээлж байх болно.

Үргэлжлэлийг доош гүйлгээд 👇

ЭНЭ ДУГААРЫН СПОНСОР: Hubspot

Learn What Fortune 500 Marketers Know

Unlock expert marketing insights with Masters in Marketing by HubSpot!

This weekly newsletter brings you:

  • Strategies straight from industry leaders like the NBA, Liquid Death & Oatly.

  • Behind-the-scenes stories of campaigns that crushed it.

  • Actionable tips to boost your results today.

Stay ahead in the ever-changing marketing world. Don’t miss out—subscribe now and level up your skills!

Facebook, Instagram, LinkedIn-д хэзээ пост хийх нь хамгийн үр дүнтэй вэ

За, хамгийн түрүүнд нэг зүйлийг сануулах нь зүйтэй байх: Ямар ч байгууллага, бүтээгдэхүүний хувьд бүгдэд нь яг таг тохирох хамгийн тохиромжтой цаг гэж байдаггүй гэдгийг олон мэргэжилтнүүд үргэлж сануулж байдаг шүү.

Байгууллага бүрийн хэрэглэгчид, тэдний зан төлөв, сонирхол ялгаатай байдаг тул бүгдэд баталгаатай тохирох нийтлэг цаг хугацаа ч бас байхгүй нь ойлгомжтой.

"Пост нийтлэхэд хамгийн тохиромжтой цаг" хэмээх мэдээлэл нь хүмүүсийн оролцооны ерөнхий чиг хандлагыг л харуулах бөгөөд энэ мэдээлэлд тулгуурлан өөрийн байгууллага, бүтээгдэхүүний хувьд хамгийн оновчтой хугацааг тогтоох ажлыг илүү хялбарчлахад тус болох зорилготой шүү.

Өөрөөр хэлбэл энд танилцуулж байгаа хамгийн тохиромжтой цагийн талаарх мэдээлэл нь тухайн сошиал медиа платформын хувьд хамгийн өндөр оролцоо бий болж байгаа цаг хугацааг ерөнхий чиг хандлагаар нь гаргасан гэдгийг мөн анхааралдаа аваарай.

Facebook-т пост нийтлэхэд хамгийн тохиромжтой цаг

Sprout-н мэдээлснээр, Facebook дээр пост нийтлэх хамгийн тохиромжтой цаг нь ажлын өдрүүдэд өглөөний 9 цагаас үд дунд хүртэл байдаг бол Ням гариг пост хийхэд хамгийн бага оролцоотой байдаг гэнэ.

Дээрх графикаас харахад ажлын өдрийн өглөөгүүр илүү идэвхтэй мөн 17-18 цагийн хооронд хүмүүс ажлаа тараад харих замд мөн өндөр идэвх ажиглагддаг юм байна.

Instagram-т пост нийтлэхэд хамгийн тохиромжтой цаг

Инстаграм-н хувьд ажлын өдрүүдэд өглөөний 9 цагаас 14 цагийн хооронд хамгийн идэвхтэй байдаг бол Баасан гараг, амралтын өдрүүдэд оролцоо бага байдаг гэнэ.

LinkedIn-т пост нийтлэхэд хамгийн тохиромжтой цаг

LinkedIn-ийн хувьд байгууллагын хуудаснууд Мягмар, Лхагва гарагуудад 10:00-12:00 цагийн хооронд хамгийн өндөр оролцоог хүлээн авдаг гэнэ.

ЭНЭ ДУГААРЫН СПОНСОР: Roku

Run CTV Ads on Roku This Q5

Peak shopping season isn’t over yet! Two thirds of consumers plan to shop the week after Christmas, and “Q5” – the period between Christmas and mid-January – has become a significant shopping window.* Roku Ads Manager makes it easy to run self-serve CTV ads and reach shoppers where they’re streaming post-holidays. Get started for as little as $500 and find your next customers on the big screen. (*National Retail Federation, 2023)

Холбоотой мэдээлэл

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot