ChatGPT юу? эсвэл DeepSeek уу? 😀

Инстаграмд олон хүнд хүрэхэд хамгийн чухал хүчин зүйл юу вэ 🚀

Author

Nathouse
29 Jan

In partnership with

Өнөөдөр 2025 оны 1-р сарын 29. Жавартай өдрүүд үргэлжлэх нь дээ. Дулаан хувцаслаарай!

Бидэнд нэг том асуулт гарч ирэх нь дээ. ChatGPT юу? эсвэл DeepSeek уу? 😀

Нийтэд гараад ердөө 7 хоног л болж байгаа ч DeepSeek App Store-н жагсаалтыг тэргүүлж, OpenAI гэх мэт томчуудыг гүйцэж түрүүлчихсэн. Татан авалт нь App Store, Google Play дээр 1 сая гарчихсан явж байгаа нь Элон Маскын Grok-н үзүүлэлтийг 7 хоногийн дотор л 2 нугалсан амжилт гэнэ.

Салбарын тэргүүлэгч OpenAI компани ChatGPT AI моделийг бүтээхийн тулд 17 тэрбум доллар зарцуулсан бол DeepSeek AI ердөө 6 сая доллар зарцуулсан, бүтээмж, үр дүнгийн хувьд ChatGPT-с илүү гарна уу гэхээс, дутаад байх юм үгүй гэнэ.

Түүнээс гадна DeepSeek Janus-Pro хэмээх DALL-E3-г зарим талаар гүйцэж түрүүлэх чадвартай ҮНЭГҮЙ зураг бүтээх модель гаргасан юм байна.

Та ч бас хиймэл оюун ухааны салбарыг тэр чигт нь доргиосон DeepSeek-г туршиж үзэх хэрэгтэй байх. Монгол хэлээр л лав маш сайн хариу өгч байна билээ. Бид ч бас туршиж үзсэн үр дүнгээс нь удахгүй танилцуулнаа…

Instagram-н алгоритмын талаарх хамгийн сүүлийн мэдээ

Инстаграмын босс Adam Moserri алгоритмыхаа талаар дэлгэрэнгүй мэдээллийг өөрийн тогтмол хийдэг цуврал Рийлээр хүргэжээ.

Түүнийхээр контентын эрэмбэд хамгийн чухал 3 зүйл нь Үзсэн хугацаа-View Time, Like-н тоо болон Илгээсэн тоо-Sends гэнэ. Дагагчдын хувьд лайк нь эрэмбийн алгоритмд үл ялиг илүү жинтэй бол, дагагч биш хүмүүс дунд илгээсэн тоо постын эрэмбэд илүү их нөлөөтэй гэнэ.

Контентын үр дүнгийн шинжилгээ хийх бол контент бүтээгчид average watch time, likes per reach, sends per reach гэсэн 3 үзүүлэлтэд анхаарлаа хандуулах хэрэгтэй гэж байна шүү. Эдгээр үзүүлэлтүүд л тухайн контентыг Instagram дээр хэрхэн эрэмблэгдэж, олон хүнд хүрэхэд чухал үндсэн үзүүлэлт гэнэ.

Эндээс харахад коммент постын хүртээмжид тийм ч их нөлөө үзүүлдэггүй бололтой. Сонин л юм. Одоо хүмүүс лайк дараад л, салахгүй үзээд байх, бусад хүмүүстэй хуваалцаад баймаар контент бүтээх хэрэг гарах нь дээ. Хэлэхэд ч яахав амархан л даа. 🤣

Үргэлжлэлийг доош гүйлгээд 👇

ЭНЭ ДУГААРЫН ХАМТРАГЧ: Hubspot

The Ultimate Marketer’s Newsletter

  • Marketing strategies from industry leaders like the NBA, Liquid Death & Oatly.

  • Behind-the-scenes stories of campaigns that crushed it.

  • Actionable tips to boost your results today.

TikTok, YouTube видео платформуудын хувьд Хаан, Хатан хэвээр.

Omdia-гаас саяхан гаргасан видео хэрэглээний зан төлвийн судалгаанаас харахад 18-35 насныхан дунд TikTok, YouTube хамгийн өндөр хэрэглээтэй видео платформууд юм байна.

Тэдэнд Instagram, Facebook, Netflix ч дөхөж ирээгүй байна гэнэ шүү.

Бас нэг сонирхолтой үр дүн нь, TikTok хэрэглэгчдийн 92% нь сар бүр, 61% нь өдөр бүр YouTube-д мөн ханддаг гэнэ.

За тэгэхээр ялангуяа 35-с доош насныханд хандсан видео контент хийж байгаа бол ТикТок болон Youtube заавал байх ёстой талбарууд юм байна шүү.

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр Facebook Page, Instagram хаягтайгаа холбогдох, бүх төрлийн пост, Рийлсийн комментод автоматаар хариу өгөх, Boost-төлбөртэй сурталчилгаатай холбох боломжтой ЧАТБОТТОЙ болоод аваарай: https://martech.bitrix24.site/chatbot