- Marketing Newsletter
- Posts
- 2025 оны топ 5 дижитал маркетингийн тренд🚀
Өнөөдөр 2024 оны 12 сарын 25. Merry Christmas! Ингээд албан ёсоор бүх ажил шинэ жилийн дараа болъё гэдэг үе эхэлж байна даа!
2024 оны турш манай имэйл товхимолыг нийт 662,029 удаа нээж уншсан уншигчдын нэг нь та. Ямартай ч, манай 7 хоног тутмын маркетингийн шинэ мэдээллийн имэйл товхимолыг тогтмол уншдаг танд баярлалаа.
2024 оны хамгийн эрэлттэй дугаарууд:
Ингэхэд та өдөрт дунджаар хэдэн имэйл товхимол-newsletter уншиж байна?
Энэ удаад бид 2025 оны дижитал маркетингийн топ 5 чиг хандлага, ChatGPT хайлт, түүнд хэрхэн оновчлох талаарх мэдээллүүдийг танилцуулж байна.
2025 оны дижитал маркетингийн топ 5 чиг хандлага
New York Times-н шилдэг борлуулалттай номын зохиогч, Forbes-н шилдэг 10 маркетерийн нэг, Entrepreneur сэтгүүлийн 100 шилдэг контент бүтээгчдийн нэг, дижитал маркетингийн шилдэгүүдийн нэг Neil Patel 2025 оныг хэрхэн харж байгааг товчлон хүргэж байна.
1: Байгууллагууд зөвхөн Google гэлтгүй бүх платформ дээр SEO-Хайлтын оновчлол хийж эхэлнэ.
Ер нь бүх платформ дээр өдөрт хэдэн хайлт хийгддэг гэдгийг мэдэх уу? 45.1 тэрбум.
Хэдийгээр Google зах зээлд тэргүүлэгч хэдий ч өдөрт 8.5 тэрбум хайлт хүлээн авч, нийт зах зээлийн 18%-ийг л баздаг.
Тэгэхээр одооноос SEO гэдэг нь "хайлтын системийн оновчлол" биш харин "Бүх хайлтын оновчлол" гэж нэрлэхээр болчихсон байгаа биз.
2: Бичил нөлөөлөгчид давамгайлна.
Олон сая дагагчтай нөлөөлөгчид мөнгө төлөх нь тийм ч сайн өгөөж авч ирдэггүй.
500 мянгаас дээш дагагчтай нөлөөлөгчдийн хувьд өгөөж нь -12.04% байдаг гэнэ. Харин 100к-с доош дагагчтай нөлөөлөгчдийн хувьд 36.71%-н өгөөж өгдөг.
3: Маркетеруудын бүтээх контентын төрөл өөрчлөгдөнө
Ихэнх маркетерүүд видео болон текст контентод анхаарлаа түлхүү хандуулж байгаа. Гэхдээ контентийн төрөл, оруулсан хөрөнгө оруулалтын өгөөжийг нь доорх графикаас нэг эргэн харцгаая.
Вебинар, кейсстади, шууд дамжуулалт, имэйл newsletter, подкаст зэрэг контент хамгийн өндөр өгөөж өгдөг юм байна.
4: Байгууллагууд AI платформуудад зориулсан маркетингт анхаарал хандуулж эхэлнэ.
2020 онд хүмүүсээс асуултынхаа хариултыг хаанаас, хэрхэн олж байна вэ гэж асуухад: Бараг бүх хүн Google гэх мэт хайлтын систем гэж хариулж байсан.
Яг ижил асуултыг 2024 онд асуухад хүмүүсийн 30 орчим хувь нь асуултынхаа хариуг ChatGPT гэх мэт хиймэл оюун ухааны платформуудаас авдаг гэж хариулсан байна.
Тэгэхээр эдгээр AI платформууд дээр мэдээллээ гаргаж ирэхийн тулд контентоо оновчлох ажлыг хийхээс өөр сонголтгүй болжээ.
5: Байгууллагууд контентын хэрэглээгээ ч мөн өөрчилнө.
Байгууллагууд контентыг сошиал медиа дээр дагагч/хэрэглэгч бий болгох, хайлтын системээс вэб хандалт авч ирэх гэсэн үндсэн 2 зорилгоор ашиглаж ирсэн.
Гэхдээ сошиал медиа дээрх like, engagement, вэб хандалт зэрэг нь хэдийгээр эерэг үзүүлэлт ч гэсэн шууд худалдан авалт, орлого гэсэн үг бол биш.
Төрөл бүрийн контент, тэдгээрийн үр нөлөөг худалдан авалтын юүлүүр хоолойн үе шатуудаар харуулсан графикыг доор орууллаа.
Эндээс урт видео, вебинар, кейс стади гэх мэт контентын төрлүүд худалдан авалтын шийдвэр гаргах шатанд өндөр нөлөөтэйг харж болно. Харин подкаст, богино видео зэрэг нь брэндийн танигдсан байдлыг нэмэгдүүлэхэд хамгийн өндөр үр дүнтэй байдаг юм байна.
Neil Patel-н жиргээг эндээс.
Үргэлжлэлийг доош гүйлгээд 👇
ЭНЭ ДУГААРЫН ХАМТРАГЧ: AdQuick
Modernize your marketing with AdQuick
AdQuick unlocks the benefits of Out Of Home (OOH) advertising in a way no one else has. Approaching the problem with eyes to performance, created for marketers with the engineering excellence you’ve come to expect for the internet.
Marketers agree OOH is one of the best ways for building brand awareness, reaching new customers, and reinforcing your brand message. It’s just been difficult to scale. But with AdQuick, you can easily plan, deploy and measure campaigns just as easily as digital ads, making them a no-brainer to add to your team’s toolbox.
ChatGPT хайлт, түүнд хэрхэн оновчлох вэ?
ChatGPT бол зүгээр нэг шинэлэг тоглоом биш. Энэ бол ирээдүй. ChatGPT одоо олон төрлийн эх сурвалжид тулгуурласан хариуг, холбоос, линкийн хамт харуулж, уламжлалт хайлтын системүүдтэй харьцуулахад илүү контентын агуулга, итгэлтэй байдал, зорилгыг нь харгалзан эрэмбэлж чаддаг болсон.
Түүнчлэн 2024 онд хүмүүсийн 30% нь хайж буй асуултандаа хариу авахын тулд Гүүгл биш харин ChatGPT гэх мэт хиймэл оюун ухааны хэрэгслүүдэд ханддаг болсон гэдэг судалгааг ч дээр харсан гэж найдаж байна. Мөн энэ үзүүлэлт 2025 онд улам нэмэгдэнэ гэдгийг ч мэргэжилтнүүд дуу нэгтэй хүлээн зөвшөөрч байгаа.
Тэгэхээр шинэ онд ChatGPT-н хайлтанд хэрхэн өртөх талаарх зөвлөгөөг хүргэж байна.
ChatGPT-н хайлтын үр дүн Google, Bing-нхээс өөр. ChatGPT уламжлалт хайлтын системүүдтэй ижил үр дүн гаргаж өгдөггүй. Зарим үр дүн давхцаж болох ч, ChatGPT, Google, Bing дээрх хайлтын үр дүн өөр хоорондоо ялгаатай байдаг. Яагаад? OpenAI-н ChatGPT Bing-н хайлтын индексчлэлийг ашигладаг хэдий ч, хайлтын үр дүнг гаргахдаа өөрийн эх сурвалж дээр тулгуурладаг гэнэ. Өөрөөр хэлбэл ижил нэртэй ч гэсэн хоёр өөр тогоочийн хийсэн хоолтой ижил гэсэн үг.
Дэлгэрэнгүй контентыг илүүд үздэг. ChatGPT чанартай контентыг илүүд үздэг - дэлгэрэнгүй, нарийвчилсан мэдээлэл бүхий, итгэлтэй вэбийн эх сурвалжтай, хэт туйлшраагүй review хэлбэрийн контентуудыг. Тэгэхээр бид ч гэсэн өөрийн вэб дээрх мэдээллийг дахин нэг эргэж харах хэрэгтэй болох нь.
Local SEO, хэрэглэгчдийн үлдээсэн санал, гомдлыг анхаардаг. Тухайн орон нутгийн бизнесийн байгууллагуудын хувьд сайн мэдээ—ChatGPT сурталчилгааг биш харин Google Map зэрэг эх сурвалжаас мэдээлэл авч, хэрэглэгчдийн санал, шүүмж, байршилд үндэслэн хайлтын эрэмбээ гаргадаг. Тэгэхээр Google Map дээрх бодит, эерэг review тун чухал байх нь.
Ямартай ч одоохондоо GPT дээр сурталчилгаа байхгүй. Тэгэхээр эндээс танай вэб рүү нэг их хандалт ирэхгүй л болов уу. Хүмүүс эндээс өөрийн асуултдаа хариу авах л чухал болохоос тэдэнд вэбийн линк хэрэггүй.
Гэхдээ ChatGPT танайхыг санал болгогч гэж харах хэрэгтэй. Өөрөөр хэлбэл асуултынх нь хариу бүрт нь л танай нэр, линк гарч ирээд байна гэдэг танайд итгэх итгэлийг нэмэгдүүлээд л байна гэсэн үг.
ChatGPT-г маркетингийнхаа төлөвлөгөөнд заавал багтаах тун чухал шалтгаан энэ шүү...
Дэлгэрэнгүйг эндээс.
ЭНЭ ДУГААРЫГ ТАНД: PodPitch
Get Your Team Booked on 3.8 Million Podcasts Automatically
It's 2025. Want to finally be a regular podcast guest in your industry? PodPitch will make it happen. Even the beehiiv team uses it!
The best way to advertise isn't Meta or Google – it's appearing on podcasts your customers love.
PodPitch.com automates thousands of weekly emails for you, pitching your team as ideal guests.
Big brands like Feastables use PodPitch.com instead of expensive PR agencies.
Сүүлийн дугаарууд:
50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр өөртөө тохирсон ЧАТБОТТОЙ болоод аваарай: https://martech.bitrix24.site/chatbot