Meta контентын бодлогоо өөрчилнө!

Instagram ингэж зөвлөж байна - Хэрхэн Инстаграм дээр олон хүнд хүрэх вэ?

Author

Nathouse
16 Jan

In partnership with

2025 оны эхний сар талаасаа өнгөрлөө. Яг энэ үед л шинэ оны зорилгоо дахин нэг эргэж хардаг юм гэсэн шүү!

2025 оны контент төлөвлөгөөний загвараа бид гаргачихсан, эндээс татаад аваарай.

Энэ удаад бид Мета Трампийн таалалд нийцүүлэх өөрчлөлт хийсэн үү… Яг ямар өөрчлөлт орох гэж байна? Маркетерүүдэд хэрхэн нөлөөлөх бол? мөн Хэрхэн Инстаграм дээр олон хүнд хүрэх вэ? Instagram-с гаргасан зөвлөгөөг хүргэж байна.

Мета Трампийн таалалд нийцүүлэх өөрчлөлт хийсэн үү…

Саяхан л Facebook хаягийг нь хааж байсан хүнтэйгээ Zuckerberg захирал сонгуульд ялсан өдрийнх нь маргааш шахуу нисэж очиж уулзаад л, хэт хатуу чанга бас алдаатай бодлого барьж байснаа хүлээн зөвшөөрөөд л… Одоо бүр Метагийн бүх платформ дээр fact-checking ажиллагааг зогсоож, үзэл бодлоо илэрхийлэх эрх чөлөөг сэргээнэ гэсэн мэдэгдэл хийж байна. Гэхдээ бүр АНУ-ын Засгийн газрын тусламжтайгаар. 🤔 

Facebook дээрээ нийтэлсэн бичлэгтээ Mark Зукерберг "Бид хэтэрхий олон алдаа гаргаж, хэт их цензур бий болгожээ" гэсэн бол цаашлаад "Үзэл бодлоо илэрхийлэх эрх чөлөөний тухай үндсэн ойлголт руугаа эргэн очих цаг болжээ. Бид fact check хийдэг хүмүүсээ Community Notes-р сольж, бодлогоо энгийн ойлгомжтой болгон, алдаагаа багасгахад анхаарал хандуулж байгаа. Шинэ үе эхэлж байна." гэжээ.

Та ч бас түүний бичлэгийг бүрэн эхээр нь эндээс үзэх боломжтой.

Энэхүү өөрчлөлтийнх нь хариу арга хэмжээ болгон зарим хүмүүс Фэйсбүүк хаягаа хаанаа гэцгээж байгаа гэнэ. Зарим нь Bluesky ашиглаж эхэлнэ ч гэж байна. Дэмжин хүлээн авч байгаа хүмүүс ч бас байгаа нь мэдээж.

Харин бидний хувьд Яг ямар өөрчлөлт орох гэж байна? Маркетерүүдэд хэрхэн нөлөөлөх бол? гэдэг талаар товч мэдээлэл бэлтгэн хүргэж байна.

  1. БАРИМТ ШАЛГАГЧДЫГ НИЙТИЙН ТЭМДЭГЛЭЛЭЭР СОЛИХ (Fact Checkers→Community Notes)

    АНУ-аас эхлэн хэрэгжих энэхүү арга хэмжээ нь Мета гуравдагч талын тусламжтайгаар баримт шалгах хөтөлбөрөө зогсоож, X-ийнхтэй ижил "Нийтийн тэмдэглэл" гэдэг зүйлээр солих гэж байгаа юм байна. Үүнийг 2 сарын хугацаанд үе шаттайгаар хэрэгжүүлэх болно гэнэ. (X дээр хэрэглэгчид нь худал мэдээлэлтэй тэмцэх зорилгоор пост дээр тайлбар мэдээлэл нэмж болдог. Энэ нь ч хүмүүст энэ худлаа мэдээлэл шүү, эсвэл олон жилийн өмнөх бичлэг байна гэх мэтээр анхааруулж хэлдэг.).

  2. КОНТЕНТЫН БОДЛОГОО ЭНГИЙН БОЛГОНО

    Хэт олон тооны хязгаарлалтуудаа багасна. Хүмүүс өөрийн итгэл үнэмшил, үзэл бодлоо Метагийн платформ дээр чөлөөтэй илэрхийлэх боломж олгоно гэнэ. (Мэдээж хязгаарлалт багасснаар гарах алдаа ч багасах байх.)

  3. БОДЛОГОО ХЭРЭГЖҮҮЛЭХ АРГА БАРИЛГАА ШИНЭЧЛЭНЭ

    Хэрэгжүүлэх шатанд гаргадаг байсан алдаагаа багасгахын тулд бодлогоо хэрэгжүүлэх арга барилаа өөрчлөнө гэнэ. Тун ноцтой зөрчлийг л автоматаар шүүн устгах арга хэрэглэнэ. Харин жижиг зөрчлийн хувьд хэн нэгэн репорт хийсний дараа л арга хэмжээ авна гэнэ. (Эндээс нэг талаас болохгүй зүйлс нэмэгдэнэ, нөгөө талаас ямар ч зөрчил гаргаагүй үед хэлмэгдүүлдэг зүйл багасах юм байна гэж ойлголоо.)

  4. УЛС ТӨРИЙН АГУУЛГА БҮХИЙ КОНТЕНТ

    “Хүмүүсийг бухимдуулдаг улс төрийн контентыг тодорхой хугацаанд багасгасан. Гэхдээ одоо нөхцөл байдал өөрчлөгдөж байх шиг” гэж Zuck бичлэг дээрээ хэлж байна билээ. Тэгэхээр улс төрийн контент Мета дээр нэмэгдэх бололтой. Аан тийм Facebook, Instagram, Threads аль аль нь "найрсаг, эерэг" орчин бүрдүүлэхийн тулд ажиллах болно гэж байна билээ шүү. (Энэ ч Монголд тийм ч нөлөө үзүүлэх өөрчлөлт биш байх)

Ямартай ч хараа хяналт багасах нь. Энэ нь нэг сайн талтай байж магадгүй. Юу гэхээр алдаатай, санамсаргүй байдлаар контент устгах, аккаунт хаах зэрэг асуудал нь багасах болов уу. Нөгөө талаас хүмүүсийг талцуулсан контентууд нэмэгдснээр маркетерүүдийн контентод анхаарал хандуулах нь буурах магадлалтай.

Гэхдээ нэг зүйлийг анхааралдаа авах нь зүйтэй болов уу. Дээрх арга хэмжээнүүд нь илүү АНУ-н дотоодын улс төрийн нөхцөл байдал өөрчлөгдснөөр хэрэгжүүлэх арга хэмжээ гэдгийг.

Өөрөөр хэлбэл, ихэнх бизнесийн байгууллагуудын хувьд ялангуяа манай улсын бизнесийн байгууллагууд, бизнес эрхлэгчдийн хувьд томоохон өөрчлөлт мэдэгдэхгүй болов уудаа. Тэртэй тэргүй өмнө нь ч fact-checking гэдэг зүйл тун тааруухан байдаг байсан дээр нь худал мэдээлэл, хуурамч аккаунтууд, алдаатай хязгаарлалт зэрэгт ямар нэг арга хэмжээ, хариу үйлдэл үзүүлэх нь тун хойрго байсан шдээ үнэндээ. 😡

Үргэлжлэлийг доош гүйлгээд 👇

ЭНЭ ДУГААРЫН ХАМТРАГЧ: Authory

Writers, stop wasting your time!

How much time do you spend manually updating your portfolio? And how often is it still outdated?

With Authory, that’s a thing of the past. Authory creates a beautiful, self-updating portfolio that automatically pulls in your new articles as you publish them, no matter where.

And that’s not all: Authory also backs up all your published articles automatically, so you never have to worry about losing your work.

Join thousands of writers who already use Authory to impress potential clients and employers.

Хэрхэн Инстаграм дээр олон хүнд хүрэх вэ?

Дам яриа биш, яг өөрсдөөс нь гаргасан мэдээлэл шүү. Instagram хүртээмжээ өсгөхийн тулд юу хийх ёстой талаарх зөвлөгөө мэдээлэл гаргажээ.

Олон хүнд хэрхэн хүрэх вэ эсвэл нөгөө талаасаа яавал хүртээмжээ бууруулахгүй байх вэ гэдэг зөвлөгөө юм уу даа. Ямартай ч өөрсдөө өөрийнхөө алгоритмын талаарх мэдээлэл гаргаж байгаа үед хайхрахгүй өнгөрөөж болохгүй байхаа.

  1. Тамга. Гуравдагч этгээдийн тамгатай контентоос татгалз. Маш энгийн. Жишээ нь ТикТокын логотой бичлэг ашиглах нь хүртээмжийг чинь эрс бууруулна гэнэ шүү.

  2. Бусдын контент ашиглах. Instagram дээрээс бусдын контентыг хуулж аваад пост хийж болно. Гэхдээ Инстаграм хүмүүст ориг контентыг нь харуулна гэнэ. Таны хуулж пост хийснийг биш.

    Зайлшгүй дахин пост хийх хэрэгтэй бол өмнөхөөс ялгарах нэмэлт өөрчлөлт оруулах хэрэгтэй гэнэ шүү.

  3. Reels. Instagram шинэ хүмүүст хүргэх бол 90 секунд болон түүнээс богино хугацаатай бичлэг оруулахыг зөвлөж байна. Гэхдээ 30 секундээс урт бол сайн гэнэ. Өөрөөр хэлбэл 30-60 секундын хугацаатай гэсэн үг.

  4. Бодлогын зөрчил. Ойлгомжтой л байх л даа, гэхдээ л дахин сануулъя. Бодлогын зөрчилтэй контент олон хүнд хүрэхгүй гэнэ шүү.

  5. Өгөөш. Хэрэв Instagram таны постыг оролцоог нэмэгдүүлэх арга хэрэглэсэн байна гэж үзэх юм бол бас л олон хүнд хүрэхгүй гэнэ. Жишээ нь коммент бичихийг хүсэх, таг хий гэх мэт агуулгатай бол. Бас л чанга байгаа биз?

За тэгэхээр энэ зөвлөгөөг санан санан постоо хийгээд байх нь дээ!

50% ХӨНГӨЛӨЛТТЭЙ!
Манай чатбот үйлчилгээний төлбөр 50% хямдралтай байгаа дээр Facebook Page, Instagram хаягтайгаа холбогдох, бүх төрлийн пост, Рийлсийн комментод автоматаар хариу өгөх, Boost-төлбөртэй сурталчилгаатай холбох боломжтой ЧАТБОТТОЙ болоод аваарай: https://martech.bitrix24.site/chatbot